arcuèlh

dijous, de març 31, 2011

Amb’renda democratica francesa, lo sistèma partidocrata se paga…

Dobti pas cap de l’eficacetat de mantunes elegits, d’esquèrra o de dreita, que n’i a que son eficaçes segur (çaquelà!), n’i a mantunes que se fan pas una renda republicana sobre la nòstra esquina, verta que zo volètz  creire, perqué ? Perqué mantunes son campion del bèl fara de la renda republicana que rapòrta melhor que la borsa.

Vos coneissi un deputat socialista qu’es devengut lo mai gròs proprietari immobilièr ambe las resorgas vengudas dels emprunts de l’Assemblée Nationale, aquela que s’explica republicana e la vòstra representanta des françaises et français, que fosquèsse de dreita o d’esquèrra, es sempre per far foncionar la renda republicana e per nos esplicar que lo pòble dèu pagar, al singular lo pòble, mas lo faràn de mai en mai gròs per desvolopar aquesta renda, en annexar Mayotte per exemple.

Sabèm que la resulta electorala de Pierre Izard dins lo canton del Lauragués es degut a un trabalh fòrt important dedins lo Conselh General per reglar los problèmas de democracia dedins los seu partits (enbtendut dins una reünion dins lo barri de Bonhoure, Tolosa) e los seus elegits socialistas (per los botar en òrdre de batalha fàcia a una oposicion qu’es gaire clara tanpauc), e tanben per reglar los problèmas ortografics dels emplegats, sul sites Internet o dins la revista mensuala.

Sabiam per la banda, lo cumul dels mandat es pas gaire apreciat dels electors e de las electriças e que malgrat una pression militanta de l’endedins o defòra dels partits republicans, avèm jamai capitat de los treure dels pòstes de cumulards en cap ; l’exemple tipe es, malgrat las bravas dichas de campanha electorala, Pierre Cohen es lo primièr de l’equipa tolzana…

Uèi lo dorsier de L’Expansion, de contrapresentar ambe las doblas paginas de publicitat, d’autopromocion de l’elita electorala tolzana, lo 30 de març passat dins la DDM, explica que podèm comparar Gérard Bapt e Pierre Cohen ; aital podèm considerar que lo primièr aguent pas abandonat son mestièr, es segurament mai coërent ambe las idèas socialistas sul tèma de la reparticion de las resorgas, de las riquessas, de la renda republciana qu’un Pierre Cohen, un cumulard de primièra e d’una eficaetat dobtosa a l’Assemblée Nationale (benlèu qu’i trapa emprunts de bais còst per se fabricar un patrimòni immobilièr?).

Es pas causa risolièra, es pas causa qu’agrada a una populacion occitana que creva de l’inaccion del sistèma administratiu republican francés en Occitània.

portada L'Expansion abrial 2011 Avèm tanben la susprèsa de tornar veire un nom conegut en Lauragués per aver estat recebut pels militants pendent la campanha cantonala, e que normalament deuriá èstre un exemple pels electors vist que los militants an mestièr d’el per los fa melhor votar (veire un bilhet precedent)… pel Front National benlèu ? Gaitatz la pausicion del Cambadelís, bestiòta politica parisenca qu’es quasiment absenta de l’Assemblée Nationale. Son de París e son absent del sistèma politic qusceptible de nos representar, a nosautres lo dich Peuple de fRANCE.

classament dels deputats franchimands

Mas podèm tanben notar que Jack Lang es tanben lo rei de la farça de l’Assemblée Nationale. Cambadelís «rivaliza» d’abséncia ambe un Patrick Balkany, una «referéncia» pel Canard Enchaîné. O un provençal Jean-Louis Bianco, aquel dèu aver fòrt de far per sosténer son amiga presidenta de Poitou-Charanta ?

Se cal felicitar çaquelà del bon resultat d’un deputat parisenc capbaissat en província, Vilanòva d’Òlt, e qu’a remplaçat un rendièr socialista de l’arrondissament, es u ndepuat socialista lo sénher Jérôme Cahuzac ; lo remplaçament es productiu pels republicans, los vertadièrs, los que son pas en cèrca de renda republicana. Jérôme Cahuzac qu’estíma f♫9rça las chifras deuriá gaitar la soma de la renda de mantunes deputats socialistas que son pas rendables quora son elegits de província, o tot simplament de Tolosa a l’Assemblée Nationale.

Atencion lo nòstre Pierre Cohen es pas sul tablèu, mas es puslèu prèp de la fin que de la debuta. Zo veirèm diuns un document adaptat a Tolosa…

Me soi demandat perqué Gérard Bapt e Catherine Lemorton s’èran batuts per èstre sobre la prepausicion de la lei suls panèus en occitan, es benlèu per fa plaser als occitanistas abans las eleccions, o per concórrer a las listas dels documents signats per influenciar lo Parlament dins lo classament de L’Expansion ? Lo diobte es permetut, vist çò qu’encúissan mantunes collègas socialistas en far res ailà.

Nos cal felicitar donc d’aver Catherine Lemorton et Gérard Bapt en cap de classament, caracteristica : an agut de trabalhar fòra del sistèma politic e trabalha encara Gérard Bapt.

classament tolzan

Se cal questionar donc perqué son los mens ben plaçar que refúsan tot cambiamzent del sistèma ? Non pas realament, se fabrícan una renda republicana, i a al mens una utilitat per las senatorialas. Se podràn pagar una campanha, coma lo cantonièr Sénher Mirassou qu’a pagat sa campanha, solet, e vist lo pès dels documents distribuats, e l’accident que li a costat un recrutament pagant per empaquetar las envelòpas, es un investiment dels gròs, per un pòste simple de cantonièr, perdon de Conselhièr General per tres annadas….

Se cal questionar perqué l’UMP vòl pas cambiar lo sistèma de resultas dels vòts electorals, es gaire complicat de comprendre : pensan que pòdon n’aver mestièr per damorar en plaça.

Aital vesèm melhor perqué en Anglatèrra vòlon cambiar lo sistèma electoral ; lo jornal The Independent s’engatja per aiçò far. La DDM s’engatjarà pas perqué lo PRG participa d’aquel sistèma qu’engana los pòbles de fRANÇA, la fRANÇA de la renda republicana, la sièta del chabròt es plena.

Portada TheIndependent 1

ÒC VOLÈM DE CAMBIAMENT : primièr la desaparicion de l’eleccion parisenca per nos representar, servís qu’a emplegar las siètas dels elegits, lo contrari donc de la reforma UMP.

 ÒC VOLÈM UN PROGRAMA QUE PREPARA UNA CONSTITUCION PER UNA FEDERACION DE REGIONS OCCITANAS, perqué de París, Sénat e Assemblée Nationale n’avèm lo cofle de l’inutilitat, e de la renda republicana ajudada per la partidocracia. Perqué del sistèma per damorar en plaça, lor cal d’escòla de partidocrata, de foncionaris d’elegits naut-plaçats o campion del cumul dels mandats republicans, las universitats de sciéncias politicas los/las fabrícan.

renda republicana

Ièu aquò m’espanta encara que mantunes europèus o democratas de l’oltra-mar nos prenguèssen encara per çò que sèm pas, sèm pas en democracia.

Books e Tunísia e democracia abrial 2001 

-°-

Cronica occitana 3

-°-

Complement de bilhet, Le Canard Enchaîné, una setmana aprèp.

lo modèl francés de renda republicana