Lo «Passa Porta» es de Brussèllas, e l’Istòria Tolzana als Augustins.

Gaitatz aiçò, de Belgica :

Los festenals en Occitània an problèma per portar nom occitan, al nom del festenal de Brussèllas podèm apondre un accent sul Ò, e avèm un títol de festenal occitan; perqué ?

Perqué l’occitan es estat la primièra lenga normalizada, lenga vulgara latinizanta, estandardizada entre 950 e 1050, per decision politica.

E coma a Brussèllas las doás lengas son en gueguerra quaisment oficialament, es lo latin que tòrna, donc un pauc la lenga occitana, sense los accents modèrnes.

Quora los Franceses refúsan la dignitat a la lenga occitana, podèm considerar qu’es un acte contra la latinitat…

Dementre aiçò, TOLOSA descubrís sa primièra exposicion bilingüa, oficiala.

Uèi a Tolosa, la conservatriça del musèu dels Augustins, ambe una exposicion sobre l’istòria de Tolosa, l’a plan entendut : l’occitan es important. Dinca fin de junh 2011, una exposicion dins las doás lengas es disponibla pel grand public, per totes los publics ; un public catalan es esperat, e tanben tot lo pòble occitan; lo public parisenc, lo torisme en general, serà tanben ensenhat, e n’an mestièr (!).

Es realament un eveniment tolzan, ièr de ser se fasiá l’inauguracion oficiala. Mai de 400 personas èran presentas, una inauguracion qu’assegura una promocion de l’exposiion de grand nivèl, ambe un pichon budgecte per desvolopar projectes d’avenidors sobre lo tèma de la recuperacion istorica dels arquius tolzans, e dels grands objectes de l’istòria tolzana ; l’occitan i es pas absent, la conciéncia tusta al còrs tolzan, es novèl, es causa publica novèla, e del servici al pòble occitan ; l’occitan es estat un ciment entre las ciutats qu’an collaborat pels objectes ecclesials presents e descributs, mai tanben reparats amb un atrait bèl per l’òbra passada, pels administradors del musèu.

Lo personal politic èra pauc present a l’inauguracion, es una causa que pausa l’exposicion e qu’ajuda a ne fa la promocion.

I cal anar veire, vos caldrà pas plorar...

Es un exemple se seguir per totes los musèus d’Occitània, pas sonque entre «Nòrd d’Avairon e Sud de Garona»*.

(* es la geografia prepausada per l’exposicion).