Aqueste dimenjada, soi pas damorat a mon ostal, soi sortit a l’ostal de familha, e donc … i a la television, e la TNT es arribada ; donc l’amotlonament de las televisions, mas pas gaire l’assegurança d’aver una informacion granda per l’environament en Occitània.
Ai poscut remarcar que la television francesa es captivada pel hold up del casino barrière (M6, LCI, TF1, France 2/3, iTele, BFMtv) e quitament Arte-TV e France 5 an res vist passar, sol an vist l’afar casinodièr de la Còsta d’Azul. Mas la manifestacion de 20.000 ciutadans en Ardècha contra la recèrca del gaz de schista, que nani !
Caldrà esperar un programa tardièr sobre France 2, lo diluns a la nuèit, per n’aver dreit a l’informacion, e una entrevista de José Bové. Segur qu’an pas jornalistas sul terrenh per entrevistar los principals concernit, e concernits que son, donc desqualificats per la tecnocracia republicana francesa… coma sempre.
Vaquí donc dos jornals que n’an parlat, tanben coma Le Lot en Action : Sud-Ouest e LeDevoir. Mas segon Le Lot en Action n’i a agut d’autres jornals...
Dins un dessenh umoristic de LeDevoir podèm èstre rassegurat, lo sistèma politic tecnocratic e productivisme franchimand e parisenc es lo meteis d’un costat e de l’autre de l’Atlantic.
Lo memorendum per la recèrca del gaz de schista es pas la solucion politica que cal, ni la creacion d’una comission tecnica, vist que las demanda de foratges son estadas establidas per l’Escòla «des Mines» (una casta malfesenta al poder republican, e sense èstre un jorn tocat pel sistema de la votacion), e signadas per ministre.
Lo dorsier tecnocratic que ne sortirà serà encara un temps perdut e de moneda desgalhada.
Cap comentari:
Publica un comentari a l'entrada