A Niça coma endacòm mai en Occitània (Oèst/Èst, Nòrd o sud, e quitament a Montpelhièr), fan la crida al CAPES. La peticion circula un pauc pertot dins lo public d’esquèrra, veire esquerrista en Occitània. Perqué pas es lor faiçon d’èstre francés.
Mas aquel biais d’èstre francés, non m’agrada. Es un sistèma de las letras occitanas que fan de politica nacionalista francesa, jogar ambe un sistèma que non nos pòt acceptar (lo fan talament saber, que ara lo que zo vòl pas entendre dèu aver rasons politicas escondudas, escondudas levat dins aquel blòg que se vòl clar e simple), aital tant que serà pas reformat clarament, e donar los poders a las regions de la gestion de las causas del país nòstre. Non podèm acceptar, ara pus, que l’Estat se jòga de nosautres. Cal bastir un sistèma politic en Occitània que fosquèsse pròpri, elonhat de las camaligas parisencs, la partidocracia parisenca, e de las loras representacions en país nòstre, Occitània.
Lo nissart es en perilh encausa del sistèma de plega-esquina que nos es prepausat per desvolpar lo nòstre territòri planetari (de l’escòla publica a l’universitat).
Aital ai mandat un corrièl a la redaccion de Nice Matin, veirèm se son capables d’o publicar :
Adiussiatz,
L'universitat dèu formar professors o professoras per l'ensenhament qu'accepta las lengas parladas en França, dementre aquelas lengas mesprezadas podèm apuntar clarament lo nissart, version Èst de la lenga occitana.
Es clar que lo CAPES es per dintrar dins lo sistèma, sistèma que podèm descriure coma lo plega-esquina ideologica republicanista e nacional-expansionista francés.
Per sortir de l'endrona, cal crear Calandretas pertot, puèi collègis e licèus per la nacion occitana ; un sistèma educatiu que mesclarà pas la ciutadanetat (l'Estat, la lei, lo parlament), e la laïcitat (çò qu'aparten al pòble, al pòble de Nissa li aparten la lenga de Nissa), L'ensenhament republican francés es un sistèma ideologic sobre la basa de l'identitat 'nacionala' revendicada per l'UMP-NC [gràcia a Ernest Renan e Maurice Barrès, e en plena contradiccion assumida per l’esquèrra francesa] l'ensenhament se dèu far dins la lenga de Nissa, per evitar l'ideologia nacional-expansionista, e la destruccion del país de Nissa, la seuna identitat talament particulara e que dèu tornar trapar la seuna beutat e dignitat politica latina.
Qu'es aquela escòla de la republica (re = poder, public = pòble, lo poder al pòble) laïca (laïcos = çò qu'aparten al pòble en grèc) qu'ensenhament pas ambe la lenga del pòble ?
Es l'escòla de l'Estat franchimand, l'escòla franchimanda nos mentís.
Donc crear unas calandretas es respectar lo pòble e preparar l'avenidor nacional per Nissa, la nacion -aquí- es pas expansionista, ni mai parisenc.
Es tanben crear pòstes de regents o regentas en lenga noastra, es crear una volontat politica, es la volontat politica d'èstre plaçat non pas a París (dins un Anar-e-Tornar perpetual per anar cercar la bona paraula), mas a Nissa i damorar, pel país nòtre, e pel pòble de Nissa (pels enraiçigats e pels novèls venguts).
Es clar que la publicacion en occitan a Nice Matin serà una primièra dins las letras dels legidors. E me sembla aital Nice Matin prendrà lo camin de la descoberta, un camin que las redaccions d’Occitània an páur de prendre. E çaquelà … L’Estivada 2011 de Rodés explica plan qu’aiçò lo grand public ne vòl. Politics e mèdias, mai tanben un certan tipe d’ensnehament prepáran pas per la bèla respelida, despertar que lo pòble occitan vòl.
NISSA AMÉ PLANAS DIGNITATS.
M’agradariá d’aver un o dos movements politics occitans qu’aguèssen aquelas pausicions claras de dignitats nacionalas.
Lo perilh de Nissa es l’indignitat del sistèma francés installat dempuèi 1860 al país Èst d’Occitània.
-°-
Dins la letra d’informacion de l’ofici de torisme de Pau, en lenga francesa, podèm aver una finèstra per Hestiv’Òc 2011.
Soi segur que dins mantunas annadas, la prepausicion de corrièl de Pau serà dins mantunas lengas e donc en gascon, l’occitan de Bearn, lo Bearn en tota dignitat.
E tanben del costat de Provènça, ambe la fòrta preséncia de Massilia Sound System :
Cap comentari:
Publica un comentari a l'entrada