arcuèlh

dimecres, de febrer 06, 2013

Campanha electorala ’14 MUNICIPALAS

S’anoncièt la candidatura del cònsol sortent, Pierre Cohen, puèi Jean-Luc Moudenc, fautava pus que de saber se la lista de la dreita seriá la sola, a despart del FN.

Donc, de la primièra pagina de La Dépêche du Midi apreniam abans-ièr que Chritine de Veyrac, la deputada europèa del Sud-Ouest se presentava en companhiá dels centristas de dreita sarkozista e del MoDem.

Alara per apondre informacions a la campanha, Christine de Veyrac s’es jà faita remarcar al Parlament Europèu per votar en Companhiá del FN contra lo plurilinguisme en Euròpa ; ne parlavi jà sus mon blòg al moment donat…

de Veyrac

Podrètz picar sul document per aver lo tèxte original escrich vaquí una annada. Malinformats los militants del MoDem devon pas èstre enganats per causidas politicas que fan pas cap las moderacions politicas en fargar l’associacion del MoDem ambe Christine de Veyrac.

La lista de Pierre Cohen podrà explicar que per multiplicar lo nombre de classad de l’Éducation dita Nationale, lo trabalh es pas estat dels bons… vist que sèm sonque passar de 0.6 de cent a 0.7 de cent dels escolans tolzans formats a la lenga occitana,  a la geografia e istòria localas. La visibilitat de la lenga s’espèra encara al servici comunicacion, dins las carrièras, sus la signaletica a l’imatge de mantunas comunas bretonas o Mulhausen, e aiçò es encara complicat vist que los elegits an pès politic mens important que l’administracion de la comuna. Per TLT s’espèra encara programòts, sapient que la comuna paga la majoritat del budgecte d’aquesta estacion… De mai, l’incapacitat lingüistica e politica a frenat los escambis ambe Barcelona, ciutat que veirà lèu una entrepresa coma Nissan s’installar, e crear aital mai de 1000 emplecs dedins l’usina… De mai, la linha logistica de Tolosa cap a Barcelona sembla èstre mens urgenta que de pagar entre Tour e Bordèu per la LGV ! Podèm tanben listar las incompeténcias d’un elegit-ministre concernissent la representacion de Tolosa a Brussels, sol endreit que la paraula occitana sona mai bèl que dins la ciutat mondina, e aiçò malgrat totas las enquèstas publicadas sul tèma pendent la mandatura.

De l’autre costat Moudenc, non podrèm aver qu’una páur que la linha Sarkozy tornèsse sul tèma…

UMPländer

A legir totas las listas previstas podèm confirmar que lo jacobinisme aurà encara d’unes grands jorns al cap de la ciutat mondina, e l’interès d’aquestas eleccions fan que lo vòt blanc serà segurament occitan. Sembla que la manifestacion del 31 de març darrièr aguèsse cap utilitat.

escondre