Magnific libre, enfin sortit !

Acabi de recebre un comunicat que me fa plaser, mas al meteis temps qu’es lo rebat de las incompeténcias regionalistas de las institucions plaçadas per bastir la politica lingüistica.

Gaitèm mai de prèp lo comunicat :

1 / Lo departament d’Òlt-e-Garona es talkament pauc conegut a l’Institut Occitan que, a/ sábon pas coma se dís dins la zòna concernida (aquò se sona l’independentisme bearnés, o las frontièras mentalas de Bearn), b/ Es de se dobtar se los foncionaris de l’Institut Occitan párlan occitan dins als reünion en Òlt-e-Garona e que sábon perqué nos (soi originari d’aquí) disèm gascon e parlam lengadocian.

2 / Cal explicar a l’Institut Occitan del contengut del libre que ne son co-editor ? Lo libre es editat poer l’IEO del departament qu’es clarament … l’Escòla Occitana d’Estiu ! Lo passadisme del redactor del comunicat es aital revelat ; aquel es benlèu anat a l’Universitat Occitana d’Estiu, un còp èra ; mas aquò a existit abans 1975 !

3 / Es sempre espantant de veire qu’un libre que deviá ges pausar problèma de publicacion, aguèt mai de dètz annadas per èstre publicada ; benlèu que lo relai en Òlt-e-Garona èra pas al nivèl que caliá per fargar aquel trabalh, talament pauc qu’a pas signat lo libre del seu nom ! E alara me questióni, es bon de cumular los títol de pòrta-paraula (o EX, ça dís que…) del Partit Occitan, prersident de l’EOE (causa que viròta mas que lo nombre d’escolans baissa dempuèi sa presidéncia), e presidéncia de l’IEO47, e quitament animador de l’ACPA tanben … Lo cumul de foncion prestateriala es pas bon per l’occitan e l’edicion d’un libre d’aqueste escantilh, non ? E lo libre es essencial per debutar oficialament la visibilitat de l’occitan ; quí sap çò qu’es la visibilitat de la lenga per una politica lingüistica seriosa ? Lo president cumulatiu aquel ? Sembla que non vist lo temps qu’a tardat… (e coma sabi qu’i aurà jà personatge que dirà escribi sense saber, vos confirmi que pòdi donar noms, datas e faits – e los elegits en carga de l’occitan o devon saber tanben, mas se cal calar per l’egò de mantunes).

La causa es pausada, es que lo sistèma associatiu e quitament professional per l’occitan salvarà la vertadièra politica lingüistica que nos cal ? Ambe aquel comunicat e la publicacion tardièra d’aquel libràs essencial, nos podèm questionar…