SNES es un sindicat nacionalista de mai

Aquel sindicalisme es nacional-conservatisme (es un nacionalisme expansionista, anti-decentralizacion, sense rapòrt ambe las necessitats de las regions), es aquel de França, aquel qu’Occitània supòrta e sembla èstre una question de longs tèrmis istorics :

Aprèp la CGT (bilhet recent), vesèm arribar un autre tipe de sindicalisme, lo coorporatisme e nacionalisme sindical. Aqueles an jamai capitat de donar un bon servici d’orientacion per las escòlas dins l’Estat francés, nimai a las populacions, mas o vòlon conservar dins l’estat ! Se podrà pas dire qu’es pas simplament pels avantatges que baila lo sistèma centralista francés, ara. Es un sistèma fait de privilegiats e de fait sense gaire de competéncias per aquela profession de l’Éducation Nationale.

Coma podèm determinar lo conservatisme, cal legir simplament aiçò :

Podèm veire que lo sistèma francés es conservador e lo sindicalisme ajuda al centralisme, al conservatisme e al republicanisme jacobin, malgrat d’aver probat de la non eficacetat permanenta dempuèi annadas e annadas ! Los que son passats pels CIO podràn comprendre aviat aiçò ; i soi passat ; I soi passat mantunas annadas, e ai jamai poscut aver una informacion coërenta, e clara, dins aqueles endreits.

La refòrma de l’ensemble del sistèma es donc una urgéncia al mens dempuèi 20 annadas ! L’argument sindical CGTista es alara gaire comprenedor al moment qu’i a pus gaire adeqüacion entre las formacions multiplas (e sovent sobre-abondantas) e las necessitats d’emplec de las entrepresas, donc una vida remunerada e respectuosa de las ciutadanetats ; los CIO centralistas franceses son un endreit que fabrica de caumatge tot en crear emplec inutile e administrat per amont naut e elonhat del sistèma economic local.

Perqué la decentralizacion es la solucion ; perqué la decentralizacion a probat durant 20 annadas l’eficacetat de l’emplec de l’argent public (la lista es longa), contrariament a l’Estat que daissa contunhar sistèma de privilegiats sindicalistas qu’an res d’eficaçes pel servici general als publics, als pòbles de França.

Cal felicitar l’ARF de prendre en man aquesta refòrma radicala del sistèma ineficaç aquel.