Tele Òc serà un mèdia normal ?

Vist l’istoric de la seuna creacion, se podrà questionar clarament ; e fondamentalament, es que l’occitanisme sap çò que còsta un mèdia per èstre independent e tractar l’informacion, realament ? Soi de mai en mai convençut que la promocion de l’occitan, dona d’illusion industriala (car una tv es plan un modèl industrial de mèdia) al mitan occitanista.

Una television independenta non pòt viure de la subvencion permanenta.

Per illustrar lo prepaus, ai legit ièr un document que sembla una informacion, mas que l’es pas brica.

Quasiment una pagina per parlar de la maison ecologica, alara que la maison ecologica existís dempuèi bravament de temps, veire annadas e annadas, vint ans pels mens. Alara perqué aquel article ? Perqué Philippe Starck es conegut, informacion pipòl (!), e que prepausa una maison clau en man ? La clau en man es pas novèl ; çò de novèl dins aquela informacion es lo ‘design’ per l’ecologia, coma se los que fan maisons ecologicas avián pas cap idèa sul subjecte en vint annadas !

Entremièg entre publicitat, promocion (veire document junt), e article de la supausada premsa escrita, MetroNews .... cal esperar que TV Grosclaude en occitan fasquèsse pas coma La Setmana, lo meteis tipe d'articles, o de linha redaccionala. La maison 100 % ecologica es pas novèl, sembla èstre un eveniment per MetroNews ; perqué ? Perqué cal un eveniment mediatic per aver dreit a una pagina de promocion-publicitat ...

Donc es plan una publicitat amagada.

Es de jornalisme de propaganda. Utile pel jornalet a gratís per sobreviure, segur. Mas utile al lectorat, soi pas segur.

E lo foncionament de la premsa, papièrs, Internet, ràdios o televisions, es quasiment sistematicament aital, que fosquèsse en francés o en occitan.

Vos dirai pas aquí l’istoric de la gestacion de Tele Òc, mas soi segur que la debuta d’aquel projecte serà complicat vist que la basa economica es puslèu que fosca. Donc, l’independéncia de la redaccion editoriala o serà tanben fosca. Farà segur plaser a l’inocéncia occitanista, auràn un programa en occitan, segur. Mas lo contengut serà de cap valor editoriala e independenta. Aguent aquò en cap, podrèm mesurar los contenguts, per los que la veiràn, o que podràn la veire… una minoritat segur. De mai, soi pas segur que se fosquèsse una TV paganta ( mai o mens autonòma financiarament), la linha editoriala fosquèsse bona per desvolopar l’èime nacional occitan.