Acabi de legir una novèla pron importanta per l’occitanisme e sa dignitat nacionala, podèm felicitar la ciutadanetat albigesa, lo sistèma politic de la decentralizacion, e los militants occitanistas d’aver capitat aiçò :
E d’aquesta novèla, nos podèm questionar, non pas sul futur (sèm segur que capitarà una grand politica culturala e economica), mas sobre las prepausicions istoricas que son estadas faitas per l’occitanisme politic per assegurar que l’occitanisme èra sonque d’esquèrra, e donc antiborgesiá («sabèm que la borgesiá, de tot biais, a pas existat en Occitània coma en Catalonha»)… un supausat occitanisme de classa donc.
Vesèm aquí que la borgesiá occitana, dins la mesura qu’i a una economia fòrta, existís tanben e podrà perfaitament entendre lo messatge de dignitat lingüistica portat per un occitanisme digne, e desligar de las presupausicions istorica e politica.
Ara, cal far fisença als militants occitanistas de l’Albigés (vièlhas experiéncias de terrenh), per desvolopar un projecte cultural e economic dins aquel luòc prestigiós. Sabi que sul terrenh toristic son pas los sols a aver vist que Occitània èra de promòure dignament, per far dintrar una economia seriosa al país.
Aprèp lo Bearn per l’ensenhament, per desvolopar una politica lingüistica clara, se cal virar de cap a-z Albi, l’òtel Rochegude.
E al revèrs se desespèra dins Aude una politica reala per l’occitan…
Cap comentari:
Publica un comentari a l'entrada