Recentament un deputat engatjat a cronicat una enveja d’una politica pel monde rural ; es un deputat de la “Droite rurale”, perqué pas ?
Droite rurale = dreita occitana sotmetuda al poder de Neuilly/Seine ?
Èra un crit de darrièr moment, per una «chance pour nos territoires», e vist qu’es d’Occitània, sembla un crit del pus prigond de las montanhas centralas en Occitània. Sufiràn pas d’èstre patrimòni de l’UNESCO !
«Territoire» es lo verbiatge tecnocratic novèl… de la casta politica que govèrna Occitània per fRANÇA, o que governa pas çaquelà.
Podèm imaginar que las prepausicions son pensadas, a longtèrmis…
Los “Français” a l’estrangièr auràn lo Douillet al govèrn, sembla que pesarà a las eleccions, e que podrà protegir lo pichonèt de Neuilly/Seine. Lo monde rural, el, aurà de suportar una linha politica liberala del govèrn en plaça, pensada a Neuilly/Seine per una casta al poder dels grands de las entrepresas fRANÇA. Aiçò l’es dempuèi mai longtemps que Nicolas Sarkozy en plaça a la presidéncia, zo cal pas oblidar…
Alara se cal pausar la question, quina utilitat a lo monde rural de votar per un deputat qu’a la finala de la mandatura de SA majoritat, pensa a portar lo messatge del monde rural, enfin ! L’UMP-NC aviá fagocitat CPNT, dins un sistèma que sabèm plan, la militança politica participa de la paridocracia, e ne sobreviu… en Picardia o endacòm mai.
Es que lo monde rural espèra un deputat per èstre vivent dins l’economia europèa ? Enfin, pensi que non. Es qu’espèra l’UMP-NC, pensi que non tanpauc… Quin èra lo projecte politic de l’UMP-NC ? Zo sabèm pas encara, encara que vesèm clarament qu’es melhor virat de cap als interèsses de las entrepresas dels amics que non pas de la ciutadanetat e dels pòbles de fRANÇA. Sèm dins la sitaucion de la dreita francesa d’abans la guèrra de 1939.
Pierre Morel L’Héritier parlarà ara en 2017 !
Lo monde rural èra alara supausat trapar aprèp 1939, lo salvador dins un Pétain… La republica francesa pòrta sistematicament una chança al darrièr que passa per salvar la religion republicana e centralista francesa, dinca suportar al mens per quatre annadas de s’atudar de parlar o participar al desvolopament d’un projecte de la “droite”, e quitament qualificada de rurala… Uèi un deputat se desperta, es clar qu’es pus de bon gran per zo tornar elegir, parlarà sonque en 2016, alara… i a de l’espèr !
Es segurament un deputat qu’es mens aucupat qu’un Pierre Cohen, cònsol cumulard de Tolosa, mas que dèu aver sovent mai participat a las parladissas ruralas dels gropes parlamentaris ?
Cada finala de mandatura los elegits de la majoritat pòdon pensar la politica…
-°-
-°-
Cap comentari:
Publica un comentari a l'entrada