arcuèlh

dijous, de juliol 07, 2011

Podèm aver un punt de vista balançat ambe la glèisa catolica ?

Dempuèi Occitània, podèm aver un punt de vista balançat a prepaus del tèma : Glèisa catolica ?

Perqué la question arriba sobre lo meu blòg uèi ? Es benlèu perqué soi en grand dobte sobre aquesta agressivitat contra lo poder vaticanesc.

violéncia contra la glèisa catolica Lo papa es alemand, e alara ? Es estat aprosmat del nazisme, coma fòrça alemands, e n’avèm agut que son en minoritat trapats de l’autre latz tanben. e la populacion occitana e francesa se son pas trobat tanben dins lo meteis camps de collaboracion, en minoritat benlèu, mas segur qu’èra bravament mai complicat en Alemanha qu’en l’Estat republican, puèi l’Estat francés de Pétain.

Del punt de vista occitan, avèm encara dins la garganta lo poder politic vaticanesc contra la glèisa dels Bons Cristians, mai tanben contra la lenga de Bernadeta Sobirós… En 7 sègles lo Vatican a encara e encara unas dents contra la civilizacion occitana. E pel moment esperèm un signe novèl. dins un moment regiliós que la Bíblia pòrta un exemple clar, la re-edicion de la Bíblia catara esp-ra encara una publicacion novèla. Que podriá far la glèisa vaticanesc per ajudar a sa publicacion modèrna ?

Es evident que, se la glèisa catolica o protestanta avián parlat la lenga del país, benlèu que lo país occitan seriá diferent, e los ments de cara a la glèisa catolica diferents tanben. Al contrari avèm integristas catolics que son en terrenh conquistat, en Occitània, coma peis dins l’aiga.

Es benlèu per tot aiçò nos podriàn èstre del costat d’aquesta agressivitat. Mas aquela agressivitat es pas occitana.

Malgrat totes los sondatges sobre la lenga occitana e l’apreciacion de cara al pòble occitan, la nacion nòstra, s’espèra de faiçon regulara una messa en occitan a Tolosa, Lorda, Baiona, Bordèu, Peirigüers, Lemòtges, Clarmont d’Auvernha, Lo Puèg, Avinhon, Agen, Rodés, Marselha, Tolon, Ais-de-Provença, Maiano, Nimes, Narbona, Carcassona, Rocamador, Cáurs, Niça, Mónegue, etc., dedins una glèisa catolica o protestanta.

S’espèra tanben dins lo sistèma catolic o protestant d’ensenhaments, la preséncia digna de l’ensenhament en lenga occitana… Perqué i a pas mai d’una classa de bearnés a Pau per arcuelhir l’occitan ? Perqué i a pas de programa sobre RCF o Présence en lenga occitana, de faiçon regulara e religiosa ?

Es clar que se la glèisa catolica vòl conquerir tornamai Occitània, li caldrà far un esfòrç bèl : l’importacion de curats catalans serà benlèu la solucion, mas mèfi al novèl imperialisme politic.

A la question pausada en títol, podèm respondre òc, mas caldrà bravament d’esfòrçes pels Catolics per tornar trobar lo pòble occitan dins las glèisas… Es que Roma ne sap quicòm ? Es que Roma ne vòl saber quicòm ?

Quora se legís La Croix, s’espèra un signe, serà un signe lingüistic, gaire cultural … E un pichonèl article paregut dedins dona ‘mas la vertat del trabalh que lor caldrà far. Lo camin serà long autanplan.

Occitan stricto sensu