Anuèch, a la carrièra entendi digun bolegar, tot es tranquil … lo 14 es un jorn de tranquillitat (vacanças a desfauts de pensar qu’es la lora “fèsta”), sonque l’armada (memòria del bonapartisme francés), bolega suls baloards tolzans.
E çaquelà al moment, i a mantunes militants a Niça, a Marselha o en Corsega que revendícan de non pas “festejar lo 14 de julh”, me sentissi solidari. Los Franceses “festejan lo 14 julh” al mitan dels militars sortits per l’escasença de mortar una armada qu’es jamai estada lo rebat de l’identitat dels pòble de l’Estat, nimai capable solets de ganhar una batalha dempuèi Sedan, amai anuèch es professionala, son mercenaris de la République française. Lo 14 de julh se fa la mescla entre lo pòble qu’a près la Bastille en 1789, e l’armada dels Napoleon qu’a vençut una granda partida d’Euròpa… Los militars de la République Française son sortits pels baloards. Assegura aital la mostra militarista de la républica dicha francesa, e donc lo fait qu’es pas una democracia. Los paparatzis del nacional-expansionisme francés i serà sul baloards, per badar la soldatesca francesa, e tanben suls ecrans manipuladors se veràn per las televisions oficialas e/o privadas.
Mas lo planèta víra, fila fila, al entorn de l’€ en Euròpa, vira mal, o al nivèl d’autres subjectes conflictuals e militars :
En País de Gallas, se prepara l’avenidor, se melhora los servicis universitaris. Segur, se França fasiá pas la gestion de las nòstras* universitats (* nocion geografica per determinar qu’es en territòri occitan, Occitània), al mens per l’esperit francés, benlèu que ne seriam al nivèl del País de Gallas, al nivèl de la recèrca d’eficacetat universitari ambe la moneda publica que cal estauviar, e la fusion de las escòlas d’engeniaires ambe las universitats per aver un sistèma public (occitan) que foncionèsse al nivèl mondial, e alara la filiara universitària occitana se podriá puntejar sobre la mapa mondiala de las melhoras formacions, e èstre reconegudas sul planèta sense passar per París e son militarisme “festejaire”.
Catalunya Informació pronóncia sempre mal las ciutats del “Tour de France” en Occitània e participa aital del projecte nacional-expansionista francés en Occitània, l’espòrt podriá èstre intelligent ?
Pel moment, passèm per gaitar los militars franceses galinejar dins los baloards de las ciutats occitanas sotmetudas. Aquò que díson qu’es “fèsta nacionala”, perdon “Fête nationale”. Es pas la meuna.
-°-
-°-
Se podrà escotar en linha, e telecargar …
Cap comentari:
Publica un comentari a l'entrada