Personalament, cresi pas que l’Estat francés fosquèsse utile per Occitània, es puslèu lo contrari del fach de sa constitucion, ontologicament facha per una plutocracia de dreita o d’esquèrra (la dreita e l’esquèrra estent concepte creat a la dicha revolucion de 1789, per designar los qu’èran a la dreita o a l’esquèrra del rei, ara es un president ; mas res a cambiat).
Lo principal problèma de la societat liberala europèa es que fabrica truands de la finança, es de dire personatges que gánhan fòrça argent (en sortir de las escòlas que totes lor avèm pagat), se fabrícan rendas enòrmas, e las van installar ...a Nòva-York, ambe financièr truand coma Madoff, e cortièrs en finança parisenca, puslèu de Neuilly/Seine. Lo problèma es pas lo revengut, o sa nautor, lo problèma es saber de quina faiçon es emplegat, aprèp l'aver obtengut sobre l’esquina d'un ensemble comercial ambe 'frontières naturelles', que lo mercat es fabricat per un sistèma jacobin, mercat que se protegís tanben ambe lo verbiatge nacionalista d'esquèrra.
S'espèra del politic, fosquèsse jacobin e nacionalista d’expansion francesa, s’espèra que fasquèsse de regulacion, e aital los plens poders donaràn a l'esquèrra lo dreit de non dire qu'an pas agut lo poder d'o far !
O cal plan dire, la renda a jamai favorizar l’economia d’occitània, perqué las bancas son encara un còp parisenca. Los Bascos l’an plan entendut, lo jorn que fabriquèron, aquò farà mai de 25 annadas, HERRIKOA per investir en País Basco e per la lenga basca. S’esèra dels rendièrs occitans que fasquèsse parier en Occitània, enluòc de pregar per la santetat de l’empèri republican francés, lor mercat per atribucion, alara qu’an un mercat per identitat que los espèra aquí, en çò nòstre.
Las rendas de las grandas entrepresas e dels capolièrs son degudas principalament a l’existéncia d’un Estat protector, l’Estat-mercat fabricat pels reis francs ; es lo meteis Estat protector que l’esquèrra anticapitalista creis encara, en pregar als sant servici public, qe son mai o mens la persisténcia de l’Estat jacobin, e de las seunas errors economicas ; es la paradòxa del nacionalisme d’expansion, es l’avuglament.
L’Estat jacobin a fabricat sas casta de quadres de nauts nivèls qu’an lo dreit a la renda, e qu’an lo dreit de la desgalhar a Londras o a Nòva-York ; quines gropes –quadres- per administrar d’un autre biais Occitània ? Quines fncionariats per Occitània ? Ont son las escòlas de formacions nòstras ?
Qu’es aquò l’Estat francés ? L’avètz aquí en portada d’una revista ultra-catolica, nacionalista e francesa :
S’oblidarà de dire que lo mitan ultra-catolic francés viu del mercat-nacional francés, e de las seunas expansions economicas ; per aquesta expansion e per la finançar, lo sistèma vaticanesc li es estat pron utile.
Cap comentari:
Publica un comentari a l'entrada