La bèstia es mauribona, la cal acabar dimenge 6 de mai 2012

I a pas mai arrogant qu’un sistèma politic que se sap pas criticar, o quitament se sap pas presentar melhor qu’en fasèm la promocion dels chars sovietics que son a man d’arribar sobre las plaças dels pichonetons vilatges republicans franceses, e aiçò dempuèi la capitala politica de Provènça…

Avèm viscut doás setmanas, pietadosas, e sense cap interès politic.

Mas l’urgéncia de sortir d’equipa UMP-NC es estada afortida per totas las presas de paraulas, avèm poscut mesurar en aumentacion, totes e totas, que lo nivèl de l’expulsion que lor cal per necessitat politic, per tornar al monde real.

Ai çaquelà recebut, come sempre de l’extrèma-dreita, un òrdre de batalha per l’aprèp 6 de mai 2012, vist que «fRANÇA seriá encara amenaçat per l’antifRANÇA», an pas cambiat dempuèi l’assassinat de Joan Jaurès ; fins ara, ai agut l’impression que lo nacionalisme francés èra pron plan partatjat, ambe una granda diferéncia del costat socialista, unes socialistas sábon la diferéncia entre ciutadanetat e nacionalitat, çò qu’es brica lo cam dins lo camp de la terror (o al MoDem tolzan, o al PRG o al Alliance Centriste, e parlèm pas ni del FN o dels Identitaires), camp que tòca tanben l’extrèma esquèrra jacobina occitana de l’universitat de Montpelhièr (PdG, PCf, LO, NPA).

Donc, per las errors de 10 annadas de govèrn UMP-NC, e per evitar d’aver la primièra d’aquestas errors encara al cap de l’estat, e coma l’a dich François Hollande a Tolosa, «cal esborrar la primièra de las errors», Nicolas Sarkozy «coma president de la republica», supausada republica dins l’Estat lo mai antidemocrata d’Euròpa.

Non podèm pus acceptar que la bandièra roja, la basa de la color de la bandièra nacionala occitana, posquesse aital èstre desvalorizada pel personal politic o per l’error de President dins los seus discorses, una sampitèrna apologia de las ignoranças francesas.

Aital doman votarai per eficacetat politica, per François Hollande :

E per l’imne nacional occitana, que caldrà cantar per la sortida de l’arrogança nacionalista francesa del poder central, podrèm picar sobre la bandièra, lo site occitania.org vos donarà lo ton !