Aprèp, pendent la campanha manipuladoira orquestrada dempuèi l’universitat de Montpelhièr, aver passejat los/las occitanistas sul tèma ‘soi d’accòrd ambe lo conservatisme republican francés de las lengas de fRANÇA’, es de dire la mòrt a cort tèrmi de las lengas e la reüssida del lingüiscidi francés, Jean-Luc Mélenchon deputat europèu de la circonscripcion Sud-Ouest, es de dire las tres zònas grandas occitana, basca e catalana, s’en va passejar pel nòrd, de l’Estat jacobin, del meteis biais que lo FN. Lo FN joguèt de Provènça per Jean-Marie Le Pen, e Hénait-Baumont per la filha, alara que l’òme de la filha el es elegit en Catalonha, alara qu’es originari d’Arièja. Las elitas parisencas son despaïsadas que fosquèsse FrontdeGauche o FN, Parti Socialiste (se cal remembrar que François Hollande es estat paracadut a Tula) o UMP. Lo sistèma republican francés es un dels sistèma que far viatjar lo mai la representativitat, en l’elonhar del terrenh es un biais de donar lo poder al sistèma partidocrata. Mas de qu’es aquò un partit ? La definicion es gaire aisida de donar, mas pel moment frena una reala representativitat d’existir dins lo parlament francés o europèu (franco-francés).
Sabèm d’ara enlà, çò qu’aquesta cronica donarà coma critica, de la boca d’un Jean-Luc Mélenchon, a l’atencion del Petit-Journal : «éloignez-les, ils sont faschistes», car jògan ambe l’umor politic e las estupiditats de discors de Jean-Luc Mélenchon, o puslèu la seuna aversion ambe lo jornalisme satiric.
Uèi lo bilhet es per indicar que sufís pus de portar a la satira lo Jean-Luc Mélenchon o la Marine Le Pen; cal anotat sa façon de manipular lo sistèma, un pauc coma d’autres çaquelà, per poder exprimir un punt de vista politic jacobin e vengut de las tèrras las mai foscas de la terreur pòst-revolucionària.
Jean-Luc Mélenchon es d’aqueste costat politic que plaça una partida de las criticas del sistèma francés dins lo camp nazi, e los diches regionalistas coma los nazilhons que li fauta per marcar lo voide del discors sul tèma, tot parier dins aquel episòdi dels guignols de Canal plus. Lo costat Le Pen-Myard-Dassault-Dupont-Le-Figaro jòga ambe los Chars Soviétiques …
La CGT spectacle trabalha a Canal Plus mas pas al Petit-Journal… La libertat de redaccion pòt çaquelà èstre una libertat de las redaccions parisencas (95% de la produccion audiovisuala es fabricada e pensada a París, aquò pas dire diversitat çaquelà), l’umor en Occitània se podriá un jorn aver los mejans de produsir ? La causa sembla dificila de saber, quitament dins l’avenidor sense estructura clara de produccion e de programacion d’una television autonòma.
La CGT spectacle coma Jean-Luc Mélenchon o una casta-elita parisenca a de mal de saber la geografia de l’impèri ; los enquèstaire dels sondatges per telefòne tanben ; lo mercat de lenga imperiala francesa es plan una causa desligada de las frontièras culturalas, snese cultura lingüistica, sense cultura tot cort. Aital se sap pas ont es Tula, alara que soi segur que l’ambaissada dels USA sap ! Tula es mai o mens al Sud de París segon los mèdias parisencs, los productors audiovisuals parisencs de Canal Plus.
La CGT spectacle coma Jean-Luc Mélenchon o una casta-elita parisenca a de mal de saber la cultura en region occitana, cultura de l’impèri forçat pel sistèma republican. Aital se sap pas que l’informatica es tanben arribada en Lemosin o Corrèza, alara que soi segur que l’ambaissada dels USA sap !
Los esclòps son un instrument modèrne de la societat neerlandesa, benlèu que se sap pas a París, ni gaire en Occitània.
D’ara enlà, çaquelà lo deputat europèu parachutat dempuèi Montpelhièr per la zòna electiva Sud-Ouest, s’en anirà s’acarar a Marine Le Pen, e las destructuracion del sistèma de partidocracia socialista del nòrd, «dos grands simbòls» explica Jean-Luc Mélenchon, en oblidar coma sembla que per èstre deputat europèu, son trabalh de parlamentari sembla èstre estequit, leugièr … Lo relai europèu per portar la critica en Euròpa dels actius de la zòna sud-ouest es grandament flaca.
E perqué zo podèm notar aital ; perqué podèm comparar, e botar dins la meteissa selha los deputat MoDem e FrontdeGauche en çò que concernís la representativitat del Sud-Ouest dins lo parlament europèu ; aquesta representativitat es un pauc los esclòps de la partidocracia FrontdeGauche o MoDem ; per Kader Arif podèm dobtar del son trabalh vist que la seuna ambicion al nivèl europèu es estada sonque de poder viatjar pel compte europèu, e en abandonar lo trabalh qu’auriá degut far per una antena tolzana a Brussels… La critica es tanben aquela facha pels elegits FN, es que la cal amagar abans las legislativas que li donarà un sièti dich de la diversité per non questionar la seccion socialista sul tèma de sa candidatura en junh venent.
Uèi nos damora coma deputat europèu los d’EELV, lo José Bové que passa de temps en temps nos explicar causòtas, mas son burèu confond occitan e espanhòl (!) ; Puèi sobretot lo ròtle de Catherine Grèze, que representa al parlament europèu, es tanben presenta sul terrenh, e los escambis entre lo terrenh e lo Parlament via Catherine Grèze es una realitat de las grandas e pauc impòrta l’engatjament dels ciutadans dul terrenh.
Nos podèm alara questionar sul parachutatge d’un Jean-Luc Mélenchon dins lo nòrd, o de marine Le Pen, e sempre dich “dins l’interès per la republica dicha française”, coma nos questionam sobre l’interès per la ciutadanetat europèa al Parlament Europèu…. per aver deputat per zòna que nos vòlon pas representar.
Lo parachutatge de Jean-Luc Mélenchon val lo parachutatge de Marine Le Pen, a totes los nivèls ; es la crisi de la partidocracia republicana francesa.
-°-
Pichon apondon a l’anticapitalisme de l’esquerrisme francés o espanhòl, los grands jacobins d’Euròpa:
Cap comentari:
Publica un comentari a l'entrada