Soi contra una manifestacion nacionalista francesa en Occitània

Una gròssa partida dels colonialistas parisencs van manifestar aqueste vrespe per imposar una idèa sobre lo tipe de ciutadan qu’auriá de votar dedins lo sistèma republican imposat en Occitània. La provocacion es clara, manifestar a la prefectura contra la ciutadanetat duberta, clarament una tradicion occitana !

Nos cal pausar la question urgenta, perqué los ciutadans colonialistas franceses se senton talament plan e aviat dins un espaci territorial colonizat sense respectar la vida istorica del territòri, aquí l’occitan e sa lenga, e que vòlon aital imposar çò qu’a jamai focnionat dins los sistèmas colonials republicans franchimands ? Aital, ongan, podèm clarament dire qu’es aquel tipe d’actitud d’apartheid que faguèt redusir la republica coloniala francesa a una guèrra entre 1945 e 1962 (perqué es la mai vesedoira, Argèria), e a una imatge conceptuala desastrosa pel monde. Al XXien sègle, nos podèm questionar sobre las experiéncias que lo nacionalisme francés a jamai sabut recordar per non pas repetir ! Nos podèm alara questionar sobre l’idèa istorica de la republica que l’Histoire de France e los ensenhairers pòrtan encara per far perségre aqueste imaginari del «bien fait républicains quand ils sont blancs», e de manifestar per crear un sistèma ciutadan d’Apartheid dins un territòri de lenga occitana, aqueles totparier que refúsan de reconéisser en signar pas la Charta Europèa de las lengas, e de veire la lenga occitana dins als carrièra de Tolosa o a l’escòla.

Dins aquela manifestacion veirèm clarament los netejaires etnics franchimands, diches republicans, e los contra-lo-vòt-del-immigrats en Occitània. I a urgéncia d’estatut juridic diferenciat per Occitània, quora se vei aquel tip de manifestacion.

E se cal encara un còp pausar la question, quí dels Occitans, qu’an pas lo poder en Occitània, an lo dreit de protestar contra la colonizacion de populacion estrangièra e lor interdire de votar. Se cal pausar en Occitània, clarament lo problèma qui dels Franceses devèm donar lo dreit de vòt o pas ; que, aguèsse lo poder occitan en Occitània, caldriá coma en Argèria pensar a l’expulsion dels Franceses de la nòstra democracia duberta e clarament tradicionala, e realament republicana, expulsar d’Occitània los colonialistas franceses ?

Sèm informat per La dépêche du midi que l’aplec se faguèt entre amics mascles del nacionalisme francés a Tolosa, UMP, Identitaires e mantunes supletius e militants d’extrèma-dreita…