Nadine Morano a encara quicòm a dire

Dins l’actualitat, podèm sempre notar la sapiença en boca, e sobretot ambe Nadine Morano avèm l’expression de l’excepcion francesa, l’ignorança, es de naut nivèl. Encara publicat dins un vertadièr jornal engatjat Le Figaro, pareis qu’a La Bastille dins la santa capitala vòstra, París, per la fèsta d’ièr i aviá sonque bandièra estrangièra. Ai entendut tanben un discors del 1er de mai, que confirma que lo roge es estat confondut ambe aquesta bandièra, èra un discors del 1er de mai d’un president ara sortent, e donc un candidat qu’a question de se pausar sobre las personas que li escrívon los devís :

Nos cal informar los elegits locals de l’UMP e los futurs candidats UMP, los que confóndon patués e occitan, que, alara, la bandièra occitana es roja, e lo simbòl de mantunas regions de l’Estat francés actual ; sèm estrangièrs perqué sèm pas francés (nacionalitat), mas avèm lo dreit de vòt (ciutadanetat) dempuèi que sèm pus subjecte del rei. Constatam çaquelà que Versailles o Neuilly/Seine es largament elonhada de las realitats de las províncias que las volètz purament ‘gauloise’ e quitament de la sapiença normala dels èstres umans de la planèta !

E òc, avèm remarcat un drapèu roge a La Bastille, e gràcia a Internet l’avèm en fòto. Puèi coma sètz pas pron informat a l’UMP, vos ai decidat d’indicar mantunas causas ligadas a las resultas de las eleccions passadas, per exemple una orientacion istorica e sociologica clara dels vòts :

Pel drapèu francés, me sembla que lo son emplec lo mai bèl, serà aquel qu’un artista de Niça n’a trapat l’usança, dempuèi que son estats annexats, en 1860, sembla que la bandièra francesa fosquèsse sonque un produït d’importacion forçada e de neteja corporala dins los comuns, coma lo vòt nacionalista francés e sa populacion parisenca de retirats tricolorats.

Acabi de recebre la promocion de Minute, ajuda a melhor entendre çò qu’es lo nacionalisme francés, es aquel que nos a trobat la guèrra d’Argèria per bastir una França de Dunkirk a Tamanraset…

…en panar lo tresaur dels Turcs per poder finançar las campanhas electoralas bonapartistas.