Nos podèm sovent questionar de quina manièra illustrar l’arrogança de las castas al poder a París, sovent nos questionam …. Un Internauta a agut l’idèa de seguir lo simbolisme que tòca lo President François Hollande, aquel qu’a agut la pluèja a tot moment del parcors public e simbolic del reialme republican d’etiqueta socialista.
Tot plan vestit francés a mestièr d’un parapluèja per evitar de gastar un costuma nòu … levat a Tolosa qu’i plèu pauc ! Es una idèa de lançar, plaçar lo poder a Tolosa per estauviar sus las facturas dels costumas del jacobinisme francés e de sa casta republicana ; demesirà tanben lo còst salarial dels foncionaris que amanan l’aisina per estauviar l’aiga que cad del cèl republican parisenc, a París e pertot al monde.
Soi segur qu’i aurà una republicanista francés per assegurar que la pluèja es anti-republicana e donc cal foncionaris de servici d’Estat per téner lo parapluèja. O benlèu ne cal sortir l’idèa que la casta al poder, amai d’èstre pauc eficaç al poder, es handicapada per se protegir de la pluèja, meteò costumièra dins l’impèri de l’Iscla-de-França.
Aquel critica tòca pas simplament l’esquèrra, soi pas d’aqueles que fan una diferéncia entre esquèrra e dreita quora son al poder a París. Son totes a dreita o a esquèrra del rei ! Rei que la revolucion parisenca a copat lo cap en 1789.
Avèm donc aquí tres moments excepcionals que pròvan de qu’es lo sistèma parisenc, es un sistèma qu’a mestièr de foncionaris d’Estat per aver una servitud a totes los nivèls, quitament lo mai mediòcres, portar lo parapluèja.
Una lectura urgenta s’impausa als foncionaris en Occitània e en França.
Cap comentari:
Publica un comentari a l'entrada