Elegits fàcia a la potenta administracion

Dos elements me fan creire que los elegits son pauc eficaçes, e justament per aplicar una politica que son estats elegits per la seuna aplicacion. Una es ligada a l’occitan, e l’autra al «trabalh» parlamentari.

1 / l’occitan e la signaletica

Vertat que pòdon pas èstre pertot, mas cal es la capacitat de convéncer dels elegits supausats occitnaistas sul tèma, convéncer que cal prendre mesura gratuïta per rendre vesedor l’occitan ?

Cal remarcar per exemple la gara d’Agen qu’a renovelat de faiçon sancièra la signaletica e que, pel moment, cap occitnaista s’es levat per demandar l’occitna present ; sabi pas quines son los que se son levats per demandar l’espanhòl !

2 / sobre un rapòrt parlamentari que pròva, a) l’ineficacetat de l’administracion e dels estacats parlamentaris per donar un document de trabalh de bon nivèl, b) l’abséncia totala de capacitat de se desligar del sistèma de lòbis per poder pensar per els-meteisses.

Dos elements que me fan soscar sobre l’interès d’anar votar.

Dos elements que son catastrofics per la democracia.

Sembla una banda dessenhada … mas es la realitat de cada jorn, l’incapacitat d’aver una politica sense desgalhar d’argent, e sense sber convéncer l’administracion ; e una lei cambiarà res a l’afar, ni una associacion d’elegits «occitanistas» ; lo POC-Bastir pòrta plan lo seu nom e la mediocritat simpsoniana e occitanista de las candidaturas futuras faràn pas grand causa per cambiar quicòm.

-°-

Las formacions universitàrias son adaptadas a la situacion modèrna ? Los contenguts son faits e escolhits per quí ? Son subvencionats per quí ?

-°-

Problèma ambe la premsa occitana :

Serèm pas sortir del valat de l’alienacion quora vesèm la non qualitat de la premsa occitana. Qui a verificat las informacions de La Setmana sul contengut «catastrofic» d’una independéncia ? Digun. Es una redaccional ideologic, tipîc de l’alienacion o de la sindròma d’Estockholm, un conservatisme, un plega-esquina, un «le chef a toujours raison» ; es la linha politica del Partit Occitan, POC-Bastir.