arcuèlh

dijous, de juliol 13, 2017

Auvernhe fabrica una marca comerciala e/o politica

Avertit per mon fialat Linked In, ai recebut l'informacion aquela : ligam 

Las entrepresas d'Auvernhe an mestièr de promocion forana, fòra la region administrativa bastida pels socialistas los ans passats. Coma occitanista trapi aiçò sancièrament normal ; mas vist la fòto de familha e lo jacobin e nacionalista francés al mièg de la fòto, ai un dobte qu'aiçò forquèsse pas sonque un enjuec politic de la còlha al poder a Lyon.


 Legissi plan « Auvergne marque » en patois parisenc, coma qué Les Républicains an mantunes problèmas per assumir l'identitat lingüistica d'Auvernhe.

Sabi pas s'aquela marca ajudarà Wauquiez a melhorar las ligason tren entre Paris e Clarmont d'Auvernhe, mas çò que pòdi afortir es que l'informacion sortida d'Auvernhe, a calgut tres jorns per arribar a Tolosa !

Podèm afortir qu'es una volontat de separatisme ? O podèm afortir que cada parçan de la grandíssima region administrativa de Lyon farà tot parier qu'Auvernhe, per exemple Savòia ? O los dos departaments occitans de Droma-Ardècha ?

L'iniciativa es ciutadana, entreprenariala, politica ; ai legit los articles que ne fan resson, mas la clartat es puslèu crumosa modèl nívol suls volcan d'Auvernhe, es localament clar benlèu.

Es que lo marqueting podrà tornar fabricar çò que los socialistas an volgut destrusir ? 

Quantes milions d'€ per un lògo marqueting e quantes suprimits per la lenga occitana d'Auvernhe e Droma-Ardècha ?

Accepti totas las clartats dins los comentaris dessota aquel article, mercés.