arcuèlh

dimecres, de juliol 05, 2017

Copiar, Còpia, Copiaratz, es lo modèl tolzan ?

Lo projecte tolzan es copiar, perqué talament pauc de vista per la capitala d'Occitània ? 
La setmana passada se presentèt la debuta de la concertacion per organizar tornar lo pargue al entorn del pargue d'exposicion de las fièras. Lo projecte es sedusent, mas l'idèa es comuna : copiar los autres.

Aital La Voix du Midi titola per listar los cambiament ; mas i a pas de projecte sancièr, de pensada pròpria, ontologica, d'un sistèma arquitectural e ortalièr, una pensada occitana per valorizar Tolosa, fau far còpia, perqué ?

Tolosa fauta sempre l'imaginacion ? 

Alsàcia-Lorrena es lo baloard Hausmann copiat e qu'a destrusit la qualitat de l'anciana vila mondina. La mondanitat, lo bèl monde pensa en anglés, pensa pauc, a docina, a Tolosa, coma lo poder que la governa d'amontnaut (jacobinisme de la pensada), jamai de manièra pròpria, neta, ontologica ambe las competéncias localas, occitanas o catalanas, o bascas, o aragonesas ; perqué pas jamai un arquitecte local per donar un projecte ? Ne fauta ?

Es parier per la « Occitanie Tower », se còpia Londres e las tòrres modèl-Grenfell (ligam ancian), que sabèm que serà una dificultat per bastir, logistica al entorn, e per l'organizar al entorn de la tòrre, vida dels usancièrs de la gara Matabuòu, mas tanben un dangièr per i viure dedins.

Alara lo pargue Les Ramièrs de Tolosa : quin concors d'arquitècte es estat bastit ? Sus quin objecte urbanistic la populacion s'aurà de questionar ; o sabèm gaire ; sèm a la pichona setmana, sèm a copiar malament, e la referéncia se vòl autanplan granda que lo voide de la pensada sul projecte es grand. 

La paradòxa es que Tolosa se vòl capitala, mas los projectes son mal pensats, basicament, e sobretot pas pensat en globalitat a Tolosa, e ambe l'ajuda de las magras participacions ciutadanas, « per pas aver problèmas d'explicacions a donar a la populacion », jamai en positiu ; que pòdon participar sus un projecte que se bolega a bocinas alara que fau un projecte global per quartièr aquel ? Georges Frêche o aviá plan entendut per Montpelhièr ; Tolosa, capitala, mas de qué ? Senon de la maissanta organizacion dels projectes.

Darrièra causa, sabi jà que l'occitan i serà absent ... e ai res integrat dins aquel bilhet sus l'occitan ; mas aquò tanben fariá partit d'un projecte pensat en globalitat.