arcuèlh

dijous, de juliol 06, 2017

Nuclear : una fotrassa politica francesa

Quand se parla del nuclear en fRança es quasiment una religion tecnocratica ligada al centralisme francés. Se parla d'independéncia energetica dempuèi la debuta, e dempuèi la debuta d'escaraunha lo Lemosin per n'aver la basa energetica ; e lo Lemosin es luènh d'èstre sortit de la pollucion pre-nucleara ; puèi l'Africa es ara lo terrenh pietadós de la tecnocracia nucleocrata francesa... via lo pòrt de Narbona, çò que pròba que lo nuclear es pas « l'indépendance nationale » talament cridada per totes los partits franchimands, e dins franchimand i a la gròssa mentida per sempre.

Dins la revista mensuala dels ligams ligats al nuclear, l'Observatoire du Nucléaire, associacion d'Occitània (Bordèu), nos dona la pròba que lo nuclear, amai d'èstre dangierós, es tanben la falhida assegurada, per fRança, mai tanben en Occitània car sèm dins lo meteis batèu tòrt e nuclear, français !

Avizatz un pauc :

Lo reactor nuclear es lo motor del sistèma ; lo primièr fabricat mondial es en falhida !
 E zo sabèm dempuèi lo 9 de març de 2017. Pauc mèdias franceses ne parlèran, es l'omertà mediatica.


NuGen es lo nom de la patata de produccion d'enèrgia nucleara que Anglatèrra a comandat ; e vist las restruccion de budgècte aprèp lo Brexit, o pendent lo Brexit ; es pas encara finançat que pel sistèma privat e bota en dangièr una entrepresa chinesa e EDF. Donc fau aumentar lo capital d'EDF, mas qui gausarà botar d'argent dins las falhidas anonciada, l'Estat francés del govèrn François Hollande / Emmanuel Valls o faguèron, e los autres ?

Los autres son d'ancians quadres qu'an tocat a AREVA-EDF un còp èra ; donc encara un còp la fiscalitat de totes los ciutadans franceses auràn de suportar (en clar pagar) 50 ans d'estupiditats nucleacratas (per aver l'independéncia nacionala que nos an dit totes los partits UDR, RPR, IMP, LR, PSf-PRG, PCF, etc.), se d'aiçí a doman, una centrala peta pas... en Alsàcia per exemple ; e aiçò per servar un centrenars d'emplec e agradar un certan tupe de sindicalisme productivista e a corta vista.
Mas amai d'aquò l'Observatoire du Nucléaire confirma qu'aquela tecnologia es pas bona per l'avenidor, pas segura.

L'entrepresa ENGIE que prepausa un ofèrta comerciala en fRança dita verte, es productriça de l'electricitat en Belgica, d'origina nucleara ... mas la causa es clara, son a abandon,ar lo nuclear en Belgica.
Lo programa nuclear d'Africa del Sud es juridicament en dangièr... o fau pas oblidar que lo nuclear israelian es estat donat per fRança a Israël, e d'Israël es partit dins l'Africa del Sud de l'apartheid.
 La Corèa del Sud qu'èra un grand productor de l'electricitat nucleara arresta de bastir dos reactors. es evident qu'es pas la fauta del dangierós vesin al nòrd... mas es un problèma tecnic.
Aquela informacion, a pas fait una linha dins los mèdias franceses.
Ni tanpauc la novèla en seguida ....
La Confederacion Helvetica a un pòble que sembla melhor informat, e la votacion faguèt que la filiara nucleara es pus una prioritat, al contrari, la vòlon destrusir coma l'avizada Angela Merkel.

Aquel bilhet que dona l'alèrta, contra la tecnocracia nucleofida francesa, es potencialament escrit ambe l'ajuda de l'Observatoire du Nucléaire. L'associacion gausa atacar l'Estat, AREVA, EDF etc. per mostar l'ipocrisia tecnocratica que fan mòstra per imposar la dangierosa filiara nucleara de « l'independéncia » jacobina talament cridada. E la vida politica contunha sus la via de l'avuglament sancièr... sèm dins la dictatura dels nucleocratas franceses.

Los fau ajudar a manténer l'informacion sul tèma, lo nuclear es dangierós per la vida en Occitània, e sobre aquesta planèta ; e quand l'informacion circula, la populacion comprendrà melhor de quina manièra se fan enganar per la nucleacracia del nuclear jacobin, francés per tot dire.

Quand lo govèrn francés assegura als emplegats del nuclear que lo trabalh contunharà, es de clientelisme electoral que fan mal a la democracia. Es un govèrn ambe d'ecologistas qu'o a acceptat... e aqueles ecologistas son estats recompensats, e dintrats a LREM,  un es ara al cap de l'Assemblée Nationale !

Lo nuclear es un dangièr per totes los Estats vesins de fRança, que faràn se una centrala peta ? La politica d'EDF-AREVA es un dangièr pels govèrns que li fan fisença, Finlàndia, Reialme-desUnit, e un pauc Espanha...