arcuèlh

dijous, de juliol 20, 2017

O fau tornar explicar, lo dòl occitanò-catalan dempuèi 886 ans

Un jorn per una inauguracion a Salses de las pòrtas dels « Països catalans » ai agut la suspresa d'aguer en vista las colors de Provença a la pòrta del camin per l'inauguracion del monument, «Porta dels Països Catalans» ; fau dire que las bandièras las aviá pagat lo Conselh General 66, aquel « avec l'accent » de Perpinyà. E sabi que mantunas comunas dels Pyrénées-Orientaliens an botat a la pòrta de la comuna aquela bandièra de Provença ; e d'autres fan la guèrra a Occitània coma nom de la region novèla ! 
Perqué ? Tant d'ignorança catalana a Perpinyà ? A Perpinyà (Perpinhan en occitan) sábon pas la diferéncia entre Catalonha e Provença (partida d'Occitània granda, lingüistica). L'istòria de Ramon Berenguer III lo grand la sábon, coma sábon pas tanpauc que Jaume Ier El Conqueridor, Jacme a la naissença, car nascut a Montpelhièr ; l'ignorança es la basa del colonialisme francés.

A Tolosa mantunes militants an pensat que bastir un Ostal per l'Istòria d'Occitània èra causa importanta ; o fau afortir ; lo projecte a pas agradat als elegits jacobins (aqueles qu'an votat Languedoc contra Occitània a l'aglomeracion de Tolosa, e contra la volontat de la populacion en Occitània), aqueles son segur coma Jean-Luc Moudenc, lo cònsol màger, afidats d'istòria... mas jacobinas plan segur !

A Barcelona lo Museu d'Historia (en occitan Musèu d'Istòria) dona un piulet (tweet en anglés) per indicar las datas del jorn, e 30 de cent son catalanas. O escrivi per indicar que l'embarrament istoric, es causa dels Franceses, ni dels Occitans, encara mens dels Catalans de Barcelona.

Que damòra en Provença del passatge d'en Ramon Berenguer III, las colors de Provença, las barras catalanas, plan segur ; lo biais de veire la dignitat de la lenga de Provença, s'es abandonada ambe lo romantisme provençal, XIXen sègle.
 
Provença + Gavotina + Comtea de Niça = PACA dels Franchimands. Pel moment ai pas vist nàisser un movement ciutadan potent per far cambiar lo nom toristic de la region. L'IEO e lo Felibrige son en caça sonque dels maissants occitanistas que son pas d'accòrd ambe la vision politica dels Franchimands, arribats en Provença ambe la familha d'Anjòu, e bravament mai tard en Comtea de Niça, 1870.

Ara de Comtes en Provença ne damòra pus, a Girona lo Comtat es tengut per los filhs del Franquisme ... l'Ostal Ramon Berenguer III es en maissanta postura politica.

Si damora en Comtea de Niça, elegits que preferiscan la guèrra (conquèsta) a l'espital (potingar la populacion malauta), preferiscan la sentat de l'armada a la sentat de la populacion ... sèm plan dins un regime nobilièr d'ancian regime ambe Les Républicains.