Per èstre clar, res sus las lengas de fRança, res dins la novèla poltiica, mas quicòm suls poders en regions, benlèu.... s'encamina cap a un sistèma democratic ? E per totes los ciutadans fòra París ? Sembla que non, pas per totes.
Bon o fau dire, lo discors d'en Emmanuel Macron èra pas ma prioritat politica, ièr ; mas un amic un pauc masoquista, que seguís de prèp la politica parisenca, e que vòta pas, me signala una partida del discors ; e estranh aquela partida del discors sembla oblidada dels mèdias parisencs, donc m'es devenguda utile d'o legir !
E la partida oblidada pels mèdias parisencs, es pas estranh, es la partida que parla de reforma de las institucions ligadas a las autoritats localas, en d'autres mots la decentralizacion; la decentrlaizacion interessa pas los mèdias ontologicament centralistas franceses.
E aquela partida m'interessa grandament dempuèi la dubertura d'aquel blòg ; justament perqué sabi que los mèdias franceses son ontologicament antidecentrlaizacion, anti-poder-regional fòrt. Es question de formacion dedins las escòlas de jornalisme, aquelas escòlas que devon servir a quicòm car pel moment sabèm que serviscan pas a l'intelligéncia politica dels pòbles de fRança.
Lo mèdia lo mai avuglat es L'Humanité, puèi arriba L'Opinion, puèi qu'an reglat l'utilitat del discors en reprenent sonque la nòta AFP, agéncia centralista per excelléncia, son los mèdias Sud-Ouest, Le Progrès, Midi Libre, L'Indépendant, La Dépêche dita du midi, e los ai pas gaitat totes... La linha que los interessa es sonque la demesida del nombre de deputats e senators, çò qu'es important pel CA segurament ... Mas pels bugectes 'impòst' dedins la fiscalitat dels Occitans es tanben important, car serà en demesida aquela factura, o fau esperar ; soi d'aqueles que díson que fau suprimir lo Sénat !
Le Figaro sonque se destria per aver notat aquela partida de las reformas de las institucions jacobinas, e lo mot maissant es sortit, se fau plaçar sul terrenh de girondisme ... Òc bravament !
Las linhas sotalinhadas, se son aplicadas (fau sempre dobtat ambe lo centralisme espanhòl o francés), e se lo poder jacobin la mata pas, amerita un comentari ; perqué sonque pels territòris del grand colonialisme parisenc, per l'oltra-mar ? Sonque Corsega ? Sonque Martinica ? Sonque Goadelopa ? Sonque La Réunion ? Sonque Kanaki ? Sonque Maiòta ? etc. E perqué pas Occitània, Novèla aquitània, Provença-Gavotina-Niça ? Perqué pas Auvernhe ? Perqué pas Savòia ? Perqué pas Alsàcia ? Perqué pas Bretanha a cinc ? Perqué pas Picardia-Flandras ?
Perqué pas l'exemple, e que cada territòri de decidar son modèl de « decentralizacion » ? Perqué non ? Perqué los parlamentaris del centralisme son los sols capables de pensar las institucions democraticas per las regions, pels ciutadans en regions, per actors de la republica en regions ?
Vos vau rassegurar, aquel capítol es a títol istoric que l'indiqui, car cresi pas a-n aquela reforma ESSENCIALA per establir la democracia en regions sotmetudas parisencas. Se aquò capita, fau èstre optimista, serai lo primièr a votar Emmanuel Macron, e considerar que « révolution » lo títol del libre editat e signat es ameritat.
Faudrà escotar pauc a pauc los discors en seguida, mas segur las abséncias a Versailles son un acte politic important, mas sus aquel sicut, soi segur que son lo vièlh monde.
Cap comentari:
Publica un comentari a l'entrada