arcuèlh

dijous, de juliol 13, 2017

premsa parisenca, lo ridicul mata !

Fau dire que l'intelligéncia es pas una causa costumièra dins las redaccions francesas ? Amai se fan ridicul sovent ; un exemple d'anuèch, 13 de julhet. La causida de fòtos d'actualitat per la redaccion parisenca de Le Parisien o Aujourd'hui en France: l'ignorança parisenca s'afica.

Un jornalista qu'a de tractar la situacion en Espanha, o dèu saber la diferéncia entre Euskal Herria, Euskadi, Iparralde, etc... E segur que dèu saber qu'a Pampluna i aguèt aquesta annada, 2017, la guèrra de las bandièras ; alara quand una agéncia de premsa prepausa una fòto ambe l'ikurriña, la bandièra d'Euskal Herria, la redaccion ignoranta s'afica :

Vesètz la fòto publicada en grand sus doás paginas, sus una revista en color e de fòrma revista setmanièra, per la dimenjada del 14 de julhet, donc publicada lo 13 de julhet 2017.

L'ensemble de fòtos internacionalas publicadas se sona : 
Devath los uèlh i a justament l'ikurriña , la bandièra de Euskal Herria !

E la redaccion parisenca escriu per explicar la fòto (preparatz-vos de rire) : 

Es aficada cada jorn dins la premsa parisenca, mas pas sonque !

Amai se doblida d'explicar quin tipe de guerra de bandièras se faguèt pendent la Sant Fermin ; se podriá tanben explicar perqué Sant Fermin ... ambe aquela grafia, mas seriá tanben explicar lo reialme de Navarra, e lo Parlament de Navarra ; mas aquí fau èstre occitan de Bearn per entendre o aver legit Miquèu Grosclaude. Es benlèu tròp demandar a las escòlas de jornalistas que fan « formacions sus Espanha» o pel tractament de l'informacion.

Sense formacion jornalistica de qualitat, lo ridicul mata.