Anuèch, anuèit, anuòch, today, arriba un signe d’Elx.
Anuèit es un jorn de commemoracion pel País Valencian, dins un sistèma politic nacionalista espanhòl, pòst franquista, del «PP de la comunidad valenciana» que refusa lo nom catalan de la vila, e tanben l’aficatge per totes-as de la lenga catalana de València, lo valencian. Aiçò es un imperialisme sul modèl francés, lo francés es considerat per totes e l’occitan per far usança d’una clientela electorala. E perqué parlar d’aiçò a Tolosa, en Occitània ; perqué lo PP, dins un sistèma electoral, aplica la règla francesa, la majoritat a lo dreit d’oblidar l’istòria «perqué es estat elegit», e negar aital la vida istorica de la vila. Perqué dins aquel sistèma que l’Union Europèa, un Parlament d’Estrasborg o de Brussèla, vòta pel respecte de la diversitat lingüistica, vòta contra, lo FN, Farage e Mélenchon.
Tolosa a aital oblidat las parets visigoticas a Sant Çubran puèi las romanas al Capitòli ; las a enterradas en pensar clarament que tot passa, la populacion coma l’istòria ; lo torista se li ensenharà lo polit de las parets enterradas, l’arquitecturas sense saber los òmes qu’i son darrièr e que parlavan pas francés, e mantunas anecdòtas que lo nacionalisme francés podrà suportar. Al meteis moment, l’esquèrra fòra bandís la mapa anciana de TOLOSA, darrièr los burèu de l’ofici de Torisme, segur eprqué deviá perturbar la populacion dels foncionari de l’ofici de torisme, es marcat en gròs TOLOSA.
La fòto aquesta es per despertar la realitat, mai d’un centenar de personas se son amassadas a l’Òrt del Carme per reafirmar la condicion de Valencians e las valors ligadas a la lenga catalana de l’Elx, lo dit e magnific valencian, mesprezat valencian (pel PP), mesprezat coma l’occitan a Tolosa (majoritat socialista). Es una jornada organizada per l’associacion El Templir, ambe una ofèrta civica unitària (perqué mantunes autres partits i an participat e acompanhat, levat lo PP e los partits nacional-expansionistas madrilencs) ; se debanava a Elx, ELX !
La ciutat de Bordèu a totjorn la plaça de Stalingrad (!) a la sortida del pont de pèira, del pont napoleon, cap a la Bastida.
Lo conservatisme es pas sonque del PP, o de l’UpyD … es tanben dins totes los partits franceses, sense excepcion. La carrièra, l’avenguda importanta, a pas cap panèu en lenga occitana, alara qu’es estat la règla quora la dreita èra al poder a Tolosa, mas qu’auriá fait ambe l’error grafica aquesta ?
Ieu me questioni sus l’interès del sistèma politic sobre las lengas e la diversitat lingüistica, ipocrisia parlamentària europèa ?
Cap comentari:
Publica un comentari a l'entrada