Se publica un article dins El Punt Avui un article sobre las man-òbras espanhòlas per contrar la logistica ferroviària classica mediterranèa, per passar a Madrid e portar aital totes los investiments. Mas la mapa presentada pòrta una error geografia, aquesta error geografia a mantunas significacions.
Campfranc es en Aquitània, pas en Miègdia-Pirinèus ; amagar aiçò es pas una astrada, es una volontat d’amagar que lo projecte es pas de passar per Campfranc mas de passar per Bigòrra, dins un endreit que los ecologistas an jà determinat coma impossible al nivèl geologic ; mas aquò los productivistas de Madrid o sábon e ne vòlon pas far la promocion, vist qu’aiçò confirma l’impossibilitat de passar per Tolosa. Los vòts ecologistas seràn pas a la baissa per las eleccions quora lo projecte aquel serà promòugut.
De mai, vóler passar per Tolosa, es pauc conéisse l’estat fisic de la linha…. de Tolosa a París via Lemòtges. Segur que podrà benlèu ajudar a la seuna reparacion… mas pel moment digun a notat aiçò dins totes los contractes entre RFF-SNCF e los Conselhs Regionals concernits. E l’Estat francés s’en trufa. Quitament pendent las eleccions municipalas de 2014 tolzana, se ne parla pas e çaquelà un projecte aital fariá –benlèu- mens camions sus las rocadas tolzanas.
Es oblidar tanben que per la linha de Campfranc, e malgrat las demandas politicas d’un Alain Rousset, president de la region Aquitània e de l’ARF, aquel a jamai trapar un interlocutor seriós ni en França, ni en Espanha per potingar la linha existenta e que passa per Pau ; la linha es importanta per Pau, digun ne parla pendent la campanha electorala municipala de Tolosa.
Per aquestas doás rasons e en préner en compte la mapa publicada per El Punt Avui, la prepausicion espanhòla sembla grandament faussa, e un fosc dessenh per far oblidar que l’Union Europèa a jà decidat de prendre las vias las mai simplassas, seguir las còstas ; i a problèma politic per traversar Euskadi, Iparralde refusa politicament e ambe rasons tecnicas claras, una novèla linha es pas necita. Cal seguir quel refús sus la revista Enbata editada en francés e basco a Baiona.
Donc tornam al projecte basic, perqué aquesta mapa es faussa, per evitar aiçò :
E evitar que la santa capitala del centralisme castic espanhòl fosquèsse a la talvera de la còsta maritima e dels escambis mondials.
Joan Amorós protesta aprèp de las autoritats europèas del desvirament d’ajudas europèas per las autoritats espanhòlas :
Aquò farà gastar retard al projecte e donc a las capacitats d’eficacetat de l’argent public europèu per Occitània e totes los trafics maritimes de la Mar Mediterranea.
Cap comentari:
Publica un comentari a l'entrada