Es l'argument nacionalista (expansionista) del FN, es vertat, es realitat (se pòt pas negar) ; mas lo problèma es que las vias del productivisme son una causida politica productivista nacionalista francesa de las annadas 1950 per «noirrir França» (lo lòbi FNSEA-CNJA), puèi per «noirrir lo monde» (Meteis lòbi FNSEA-CNJA), çò que far que fasèm projecte ara de periferic tolzan que van destrusir d'autras tèrras agronomicas e elonhar encara mai lo consomator de las produccions e complicat al nivèl orari lo trabalh dels païsan en Occitània ; las politicas europèa per l'agricultura son aquelas dels lòbis qu'acabi de designar ; a Tolosa, lo FN a pas cap politica que lo productivisme dels desplaçaments automobils per la vila, coma la lista UMP-UDI que vòl una rocada que ajudarà a multiplicar los desplaçament en automòbil snese resòudre lo problèma de circulacion. Cal demandar una logica a las prepausacions politicas dels candidats en Occitània ? Nos cal una politica agricòla per Occitània e oblidar qu'es a París o Brussèllas que se dèu decidar.
Dins lo bilhet precedent, parlavi d’una professora que li fautava d’aver una analisi globalizanta, coma se dèu d’una professora d’universitat ; ela faguèt lo seu ajornamiento. Lo sistèma politic e sindical francés es luènh d’aiçò.
Aquela capacitat d’analisi es ensenhada en Licèu agricòle, e pas sonque pels engenhaires agronòmes; es pietat de veire que la qualitat d’aquel ensenhament, es destrusit pels lòbis agricòls e per las manipulacions politicas, a París e Brussèllas. Ai una formacion agricòla d’aqueste grand nivèl, e soi en capacitat d’aver totes los punts de vista amanats.
Farai un comentari sus la politica que cal per Tolosa, car la ciutat de Tolosa amerita una politica agricòla.
Actualament, los païsans son forçat d’aver orari dels 35 oras en doás jornadas, per poder vendre produïts de qualitat a Tolosa.
Actualament, se parla de crear una novèla rocada per accelerar la circulacion automobila, e donc minjar tèrra agronomica de Val de Garona e elonhar encara mai los païsan dels luòcs de ventas.
Actualament, ambe las zònas urbanisticas novèlas, avèm l’importacion de longa distança dels produïts agricòlas que fan pensar aviat a la mòrt dels païsans, illustracion FN en Provènça.
Quora aurèm una politica agricòla adaptada a Occitània e decidat en Occitània, sense aver de suportar las manipulacions pseudò-sindicalas de l’extremisme, o del centre, o d’esquèrra, mas expansionisme francés en Occitània, e sense cap de dobte utilitarista pels malauts d’Occitània que son aital instrumentalizat, mas pas brica per suènhar lo malaut, mas per èstre segur de damorar elegit o al poder ambe lo sistèma politic francés en Occitània, un problèma de sentat politica en Occitània, tanben.
Es vertat que nos cal una autra politica europèa, se farà pas ambe lo vièlh lòbi FNSEA-JA, ni ambe lo FN.
-°-
La reflexion mai seriosa qu’aquela del FN, los Bonnets Rouges de Bretanha o fan :
Cap comentari:
Publica un comentari a l'entrada