Midi Libre publica l’ignorança francesa

La DDM escriure estupiditats sus Calandreta e l'occitan, Midi Libre daissa publicar comentaris que fan l'apologia de l'ignorança republicana francesa, devath lo pretxte que cal aver un debat sense donar plan segur lo dreit de publicar responsas argumentada e dins la dimension que cal, en nombre de caratèr e sul papier de cada jorn. Es la premsa francesa en Occitània, una aisina de destruccion d'Occitània, una aisina del nacionalisme francés, es ontologica a-n aquela premsa o a las formacions de l’Éducation Nationale sancièras ; i a un pauc de tot.

Mas abans passèm un acrtcielde la DDM de l’Agenés, article que serà tanben publicat dins Le Petit Bleu. Jà vesèm l’evolucion, Calandreta es enfin plan ortografiat, aurà calgut mai de vint annadas a Agen per aver la bona grafia, dincal cambiament de jornalista que alara caldrà tornar trabalhar per l’explicacion que se fabrica pas dins las escòlas de jornalisme tolzana (per exemple).

1 / Calandreta es pas un «régionalisme» ; mas de qu’es ? donc. Vaquí un subjecte que cal tractar de manièra precisa per ensenhar los jornalistas e la populacion en general, e aital evitar de considerar l’occitan parlat sus quatre Estats de «langue régionale» e que sa promocion fosquèsse una defensa del «repli régionaliste» (caldrà explicar a Mónego ont la lenga es ensenhada, de quin tipe de regionalisme es ?).... e comprèni pas que la federacion Calandreta protestèsse pas per l’abandon d’aquel qualificatiu politic, per d’escòlas que son pas politicas, mas que o son classificada perqué las escòlas francesas, santas e republicanas, o son politicas ; devon suportar l’ignorança francesa.
2 / quand en francés e dins d’autras lengas s’indica una prononciacion, cal emplegar d’autras caractèrs tal que [] ; c'est reconnu au niveau mondial
3 / (Calandrette) es supausat èstre la prononciacion francesa, òr, es pas la grafia fonetica : mercés de tornar a l’escòla sus aquel terrenh-quí. Mas de que fan dins las escòlas francesas en Occitània, escòlas de jornalisme comprèsas.
4 / sembla que la redaccion agenesa de La Dépêche aguèsse pas de candidats a las eleccions … e çaquelà aquesta escòla es un desir politic, e foguèt inaugurada per els aquel jorn-quí ; avètz cap fòto ? Perqué l’aver pas indicat ? Totes i èran, levat lo FN, o cal pas indicar ? Ou le/la journaliste présents/tes se savaient pas qui était qui ? M’estona grandament, en general, lo costat politic o sábon presentar dins la DDM, sobretot quora l’esquèrra es presenta, èra lo cas dins un escòla volguda per un cònsol de l’UDI.

Dins un article sus Calandreta, Midi Libre basa mai o mens sul meteis biais son article e son los comentaris que son la descripcion de l’ignorança francesa, prigondas ignoranças cultivadas per un sistèma mediatic e educatiu prigondament fièr d’aquesta ignorança, d’aquesta exception française.

1 / capvirar la carta escolària
Normal vist que lo sistèma pratica lo netejament lingüistic, l'ensenhament de l'occitan es pas generalizat, sonque per una elita de ciutadans que sábon mai que lo autres, alara cal trobar escòlas qu'ensenhan a lenga istorica d'Occitània. Las escòlas Jules Ferry son çaquelà d’aquel qu’explica dins un discors de 1886, que lo pòble superior dèu ensnehar lo pòble inferior. I a encara d’escòlas d’Estat en Occitània qu’an lo nom de Jules Ferry, lo colonialista francés en Occitània. La carta escolara es aquí clara, un nom Jules Ferry per uina escòla en Occitània es una vergonha.
Lo netejament etnic non agrada pus aprèp l'encas nazi, la «solution finale»  (es considerada coma la שואה, « catastròfa » ) ; mas lo netejament lingüistic agrada als Républicains français ! La primièra causa politica que foguèt per l'Estat d'Israël es estat de restablir la dignitat de la lenga del pòble ebrèu, castigat per l'administracion francesa e lo regime de Pétain e sos amics nazis, e donc  an bastit un clara oficialitat, coma responsa politica. Los que son fièr de l'escòla francesa del netejament lingüistic, son dins lo camp de l'ignorança e de la destruccion d'un pòble, aquel qu'a bastir sa pensada sus l'amor, la patz e lo respecte de la pensada individuala e collectiva en Occitània.

2 / Alibert collaboracionista
Es clar qu'i a pas agut Franceses per collaborar, es segur la rason de l'unilateralisme per ensenhar sonque la lenga del rei, lenga de la santa Terreur, de la lei per una oligarquia que manipula aisidament lo concepte de nacion per praticar lo netejament lingüistic e etnic en favor del sol poder ologarquic qu'es talament similar al sistèma reial franc.

3 / régionalisme pour la seule langue occitane
Se la lenga francesa aviá pas jamai agut una decision politica reiala unilaterala contra las lengas dels pòbles de França, lo francés, lenga imposada, seriá pas estada lo quadre del colonialise republican francés. Re = poder, region = espaci de poder ; quin es lo poder de l'espaci de poder que l'occitan n'es la question ? La decentralizacion a pas donar de poder a l'occitan, mas simplament una illusion d epolitica lingüistica per l'occitan, illusion ; La realitat de la lenga d'un poder es la lenga francesa, la lenga francesa es la lenga regionala que s'imposa sus tot un Estat, per rason oligarquica, sul modèl Villers-Cotterêt qu'èra per adralhar un sistèma administratiu d'Aquitània per abandonar lo bilingüisme administratiu (latin e lemosin-gascon).
Se l'occitan qu'es parlat sus quatre Estats es una lenga regionala, lo francés l'es tanben sus quatre Estats europèus (Belgica, Luxemborg, França, Confederacion Helvetica lo Jurà) e podèm pensar tanben qu'es lenga segonda en Saarland, en Alemanha federala... Una lenga es pas un Estat. es la règla europèa ; los que vòlon una lenga per Estat, son los meteisses que vòlon los Rròms -pòble migrant europèu- fòra de totes los Estats europèus... Es oblidar que la Confederacion Helvetica es multilingüe coma Estat e qu'a trapat un balanç sobre 700 ans d'existéncia.

4 / Fier o ufan d'una escòla de netejament lingüistic
Es confondre l'alfabet e la lenga, l'alfabetisacion (qu'auriá estat una normalitat), e la francisacion, imposar la lenga del rei, devenguda lenga d'una oligarquia.

5 / marginalisation
Es vertat que la talvera es la règla francesa per las lengas que son devenguts un dangièr, perqué l'alfabetisacion dins aquesta lenga èra fòrabandida ; l'estrngièr es la règla de la páur ambe lo nacionalisme francés ; la lenga es considerada coma una frontièra administrativa e militara, en contradiccion ambe totes los estudis sociaologic sobre los emplecs multiples de las lengas.
Festa d'Òc es la sola politica acceptada pel sistèma anbcionalista francés, dit de la décentralizacion ; es aquel sistèma de mèrda politica imposat pels Franceses que nos es retornat coma lo miralh de çò qu'es supausat èstre un projecte nacionalista occitan ; la paradòxaes qu'aurèm jamai la possibilitat de respondre dins lo temps cal a-n aquel argument ; mas o podèm : cal de temps e mantunas cronicas dins la premsa provincialista.

6 / on ferait mieux d'apprendre l'anglais
Considerar l'occitan coma una lenga de replec, es considerar que lo verbiatge universitari sul tèma "langue régionale" es lo bon lengatge per salvar una modèrnitat de la lenga occitana, modernitat qu'a obtengut un prèmi Nobel de literatura per un concepte ligat a l'occitan ; l'occitan e suna lenga pont de la latinitat ; es normal que l'ignorança francesa aguèsse oblidat Frederic Mistral, perqué quitament la television, que los occitans i pagan redevances, an refusat de presentar un documentari sul tèma. Parlèm de l'Éducation nacionalista francesa ! Ni de las universitats de letras francesas en Occitània... Prèmi Nobèl es d'un país escandinau que devon mai sus aquel tèma que lo redactor d'aquestas e lo co-responsable de la publicacion, Midi Libre.

A-n aquel pichon jòc de la lenga superiora a las autras, lo francés i perdrà…

7 / aprendre correctament lo francés puslèu que  l'occitan
Pendent 80 ans, la populacion a transmetut la fonetica de la lenga occitana, las fautas d'ortografias francesas (complicadas segur, perqué lo rei s'en fot de la simplicitar) èran curada pels regents en s'apuejar sus la fonetica occitana ; quora entre 1960 e 1980, la lenga a desaparegut de las abitudas d'usança populara, la mediocritat de l'ortografia francesa s'es melhorada ; e ara, i a un Internaute, e sovent mantunes, per castigar los Occitans de vóler lo retorn de l'occitan e aital mesprezar lo francés : il y a en qui sont culotés !

Ai acabat de responsa a aquel tipe d’ignorança, son la valorizacion concreta e la resulta de la manipulacion ancionalista d’un sistèma educatiu nacionalista francés, dit «Éducation Nationale». Un sistèma fonciona de tal biais que dels diplòmas a l’estudis dedins lo sistèma tot favoriza l’ignorança, e l’abséncia de transmission dels sabers populars que son pas estats agretitat coma «bons» per la République Française, es un nacionalisme d’expansion en Occitània.

Aital avèm la paraula del FN directament bracada dedins lo ciutadan ignorant que podèm trapar quitament qui la Glèisa reformada de France e dins la vila de Tolosa, en simbiòsa ambe l’extrèma dreita que peticiona contra l’occitan dins lo mètro… I a una grand potencial pel FN ! Aquel potencial es fabricat per Éducation Nationale.