Me ne cal parlar …. crida subdiminala ?

Per la melhor conéisser, la professora qu’a agut una revelacion e que la faguèt saber sus totas las paginas occitanistas en plena campanha electorala 2014 (FB es utile), i a forçadament lo bilhet que faguèt lo succès del blòg aqueste, picatz aquí.

Per ara, li pòdi perdonar d’aver fait de politica, d’aver castigar los qu’an agut pron d’analisi politica per assegurar çò que ela explica ara ; quand de tempses cal per convéncer una especialista de literatura occitana (benlèu que li cal damorar vigilenta SONQUE a-n aquel tèma pels seus cars estudiants), quand de tempses li cal per analisar un subjecte e clarament tractar de faiçon globala un subjecte (una causa que dèu èstre l’objecte o la basa de la sapiença professorala d’universitat), quand de temps ? Ieu, me questioni : de quin contengut e diplòma universitari aguèt per aver tant pauc de capacitat d’analisi politica per Occitània, en tant que professor de letras occitanas ? Imaginatz que totes los estudiants que sortíscan d’aquestas formacions an aquela « capacitat » flaca e pòdon ensenhar, en collègi o a l’universitat …

Marie-Jeanne Verny acaba de far lo seu ajornamiento, descobrimiente de l’America trosquista, es una granda revelacion pels militants d’esquèrra, una revelacion sul modèl de Bernadeta Sobiron (exilhada a Nevers per aver fait parlar la Vèrge Maria en patois bigordan), es una granda revelacion tanben per los vertadièrs qu’an agut d’entendre fins ara la manipulacion que ela se faguèt lo vector inocent. La manipulacion al negada, perqué de l’estatut de professor d’universitat non podiá s’enganar. Pietadós.

Coma cresi pas que lo Front nacional de Gauche n’aguèsse a fotre d’aqueste invictiva militant, tant professora d’universitat que fosquèsse, e vièlha militant PCF tanben, donc pensi que nos podèm assegurar que Marie-Joana Verny serà alara calmada al nivèl politic e benlèu assegurarà una formacion en sciéncias politicas a l’universitat per se mesfisar del discors nacionalista francés sul tèma de las lengas, e donc qu’aquesta formacion serà d’un grand interès pels estudiants e pels militants de tot escantilh en Occitània.

Cal informar aviat los militants del Front de Gauche, pertot en Occitània ; car aquesta revelacion pròva al mens que s’enganan els tanben. Pensi per aiçò als militants d’Auch, lo «Front G’Auch» que vist lo biais de comunicar, a sense unic coma sovent totes los sistèmas partidocratas franceses en Occitània, son pas asidament contactables per lor mandar aquel document magnific, la revelacion aquesta.

Esperèm ara de saber per quines candidats Marie-Jeanne Verny votarà per las eleccions venentas ; votarà segur senon es favorizar l’extremisme de dreita ; perqué, a Tolosa, avèm un grand amic de Jean-Luc Mélenchon, co-fondator del Front de Gauche, Jean-Christophe Sellin, amic de Jean-Jacques Cubaynes (veire bilhet següent per saber perqué ne parli aquí), que n’ai jà regat sul el dos còps (aquí e ailà), e qu’es candidat municipalista a Tolosa ; e Jean-Christophe Sellin enterrèt l’occitan al Conservatòri occitan de Tolosa, ambe l’agrement de Pierre Cohen cònsol socialista de la vila, o en ignorança de sa politica.

Donc esperèm, en tant que ex-afionada del nacionalista d’esquèrra Jean-Luc Mélenchon, la nòstra professora d’universitat Marie-Jeanne Verny assegurant que cal pas votar per aquel candidat, Jean-Christophe Sellin per las eleccions municipalas de 2014 a Tolosa. E qu’aiçò fosquèsse la règla per totas las eleccions venentas, es de dire : de se mesfisar de totas las candidaturas que fosquèssen etiquetadas a l’esquèrra ; per la dreita, aquela professora d’universitat (dèu èstre ontologic èstre de l’esquèrra per una professora d’universitat, o una necessitat per poder ensenhar las letras) votarà jamai a dreita.

Per clavar, vòli mercejar Marie-Jeanne Verny d’aver enfin publicat aquesta revelacion, aquesta letra a Jean-Luc Mélenchon ; es plan d’aver agut enfin un nivèl d’analisi que lo seu pòst de professora de letras occitanas amerita.

-°-

Jean-Luc Mélenchon argumenta sempre faus coma Georges Marchais un còp èra

Sobre totas las questions politicas d’anuèch, sense cap d’excepcion. Es l’analisi personala e que serà pas d’autrejar a Marie-Joana Verny, segur pas encara.