L’occitan es sancierament absent de totas las documentacions politicas distribuadas en vila de Tolosa. L’ai çaquelà remarcat clarament sus las listas Moudenc e Cohen, mens sus d’autras documents amassats per tèrra aprèp un passatge dins lo mercat Sant Albin de Tolosa dimenge passat. En general, los militants son de cap manièra sensibles a l’interès de l’occitan, l’acte politic partidocrate passa abans la lenga collectiva tolzana.
L’occitan es encara un suplement d’amna politica francesa a Tolosa. Per Pierre Cohen, POC-Bastir assajarà de vos convéncer doman, 11 de març de 2014, dins una serada dins un establiment privat tolzan.
L’ai çaquelà encontrat sus la lista EELV, dins un document de télécargar. E avètz de chança, l’ai agut de cargar, perequé es gaire aisit de trapar la bona pagina. Senon, pels especialistas i a una pagina especial occitan (1, dos, tres, quatre e quitament cinc paginas). Es pas lo cas per las autras listas.
Ai vist çaquelà passar un pichon quicòm per la collaboracion POC-Bastir ambe la lista dels aligats a Pierre Cohen. E lo Front de Gauche version PCF de Tolosa fabrica un document especial, per acarar lo Front de Gauche, version nacioanlista francés Jean-Christophe Sellin.
Pel rèsta, i a pas grand causa d’excepcional sus aquestes documents ; son prestes d’èstre tradusits en anglés o chinés mandarin ; i aurà pas gaire de diferéncia.
Pel rèsta (bis), i a gaire de reala compreneson del tèma :
En esperar, lo netejament lingüistic e de dimension expansionista, etnica e francesa contunha, ambe la fòrça del sistèma politic imposat en Occitània.
-°-
Apondon :
-°-
Raríssim, un site de campanha bilingüe :
Cap comentari:
Publica un comentari a l'entrada