arcuèlh

dimecres, de novembre 07, 2012

Barack O’Bama es tornamai elegit

Las femnas e los espanhics fan la víctòria del primièr president colorat dels Estats-Units d’America del nòrd, ara podèm afirmar qu’es tornat elegit, es un expleit dels grand. Es evident que per ganhar los partits dels EUAN auràn de prendre en carga los cambiaments prigonds demografics e lingüistics dels EUAN.

Cal notar qu’es temps de 4 annadas de crisi nòrd-americana, e malgrat tot lo pauc de politica sociala e migratòria diferenta auriá permetut a O’Bama de ganhar.

Mas es pas realament per aiçò que vòli aportar un bilhet sobre aqueste blòg. Es puslèu sul tractament mediatic de las eleccions americanas.

Cal notar que aqueste maitin, es TV3 e 8TV qu’an prepausat un programa sul tèma, tot aiçò en catalan.

en directe ara quart

Pendent aquel directe, l’informacion èra de grand nivèl sus TV3, e podiam èstre ensenhat de faiçon seriosa en lenga catalana.

Mas la critica serà la meteissa que una setmana d’informacion dels mèdias franceses, perqué se parla jamai de las diferéncias de las eleccions pels Estats ? perqué avèm pas la lista sancièra dels candidats (qu’aguèssen o pas los mejans dinerièr) ? perqué sabèm pas lo mòde d’eleccions diferenciada, levat per parlar de la nhòrla entre Florida e Ohio ?

Es clar que Barack O’Bama serà estat un president social-democrata, al modèl europèu, e dins una situacion nòrd-americana que l’escòla de Chicago (per l’economia) imposa un sol biais de pensar, e de prepausar.

Mas las eleccions aquestas son pas estadas aisidas per la còlha dels partesans d’O’Bama, senon, seriá estat anonciat a las unas de la matinada, la resulta finala, e l’avèm mai o mens segur a las 5h30 del maitin pel FB de Barack O’Bama.

en directe ara sièis

A la 7 oras (mai o mens), Mit Romney apareis als ecrans de television, per confirmar l’eleccion d’O’Bama.

en directe ara set