Pauc de mèdias parisencs an parlat del referèndum fins ara, e ièr per astre ai volgut gaitar lo jornal de TF1 per l’afar Cahuzac e soi pron escadut per aver de gaitar aiçò :
Lo reportatge presenta donc la volontat politica alsaciana de fusion de las institucions de la decentralizacion. Se parla de la fusion dels departaments de Mulhausen e de Estrasborg, ambe lo Conselh Regional d’Alsàcia, per estauviar en personal de la decentralizacion.
Lo reportatge debuta ambe una mapa del departament d’Estrasborg que justament lo non es partajat per un grope un pauc especial, res d’aquel reportatge l’explica ; mas la mapa prepausada es aquel del departament nòrd, sembla que lo reportatge a pas agut pron de temps per anar veire qu’a Mulhausen las causas virávan de faiçon diferenta, notament al Parti Socialiste !
Tròp rapide, lo reportatge gausa pas quitament listar los que son per e lo que son contra e veire la paradòxa qu’i ambe las decisions de las direccions parisencas de cada partit ; se limita a parlar dels estauvis esperats, e jamai de las politicas que s’i podràn melhorar.
Gaitar TF1 assegura pas d’aver la possibilitat d’aver un punt de viste balançat !
Car la fusion dels departaments ambe lo Conselh Regional es pas una refòrma de l’Estat coma l’explica TF1 … s’espèra encara la refòrma de l’Estat en Alsàcia ! L’Estat es la prefectorala en Alsàcia, es tanben l’impossibilitat de fabricar un referèndum per saber que cal far del nuclear, etc. E aquela critica son pas los socialistas d’Estrasborg que la pòrtan !
Cap comentari:
Publica un comentari a l'entrada