Cahuzac-TF1 en çò del país dels mentidèrs

O sabètz jà ai degut gaitar TF1 sul net, l’ai trapat puslèu extremista, los paradís fiscals al 20h00 ! imaginatz qu’aiçò èra un tèma per ATTAC pendent 10 ans e que jamai i aviá portat una primièra linha al 20h.

«La politica es l’art de mentir», e al país dels mentidèrs franchimands, lo centralisme francés fabrica un Agenés grandament mentidèr.

Imaginèm que la frasa “à l’issue d’un G20, des chefs d’État …” (i aviá Nicolas Sarkozy, non ? e el que fasiá lo gal a la primièra linha del 20h00 de TF1 donc devon aver memòria vídeo d’aiçò a TF1 ?)

Mas es sul subjecte de l’origina politica de Jérôme Cahuzac que podèm listar las oblidanças que plèjan sus TF1, reportajar per far pleure las «messorgas» al País visitat coma se visita l’Africa coloniala ? TF1 a mandat una equipa per una «enquèsta», (puf!)… De creire que lo viatge de léser jornalistic èra pron cort per saber mai sul tèma.

Dins la comunicacion d’urgéncia pel Parti Socialiste français, lor cal amagar que Jérôme Cahuzac es estat demandat a Vilanèva d’Òlt (comuna e arrondissament), per grands pòntes de contonada, o del departament.

L’afar Jérôme Cahuzac es una causa que consernís DIRECTAMENT lo parti socialiste français, partit qu’emplega Occitània coma un terrenh de jòc electoral per far las leis a París, e res pel país. Lo departament d’Òlt-e-Garona es un dels departaments los mai paures d’Occitània, e la dreita UDF i aurà tanben ajudat pendent mai de 40 annadas. Lo parti socialiste français a trobat tanben un instrument d’installacion ambe lo gente còrs de candidats occitanistas, o dels militants occitanistas del Partit Occitan dins lo departament afidat al centralisme simpatic, dins un departament arroinat per l’UDF (veire las estadisticas regionalas, e sèm ara al nivèl d’un autre departament mediòcre per las insufiséncias de politica publica, lo Tarn-e-Garona).

«Jérôme Cahuzac èra apreciat aquí», que nos explica un deputat socialista :

Se prepara aviat lo remplaçament al novèl socialista, l’òme, perqué es «un afar personal» explica lo president de la republica francesa al Marròc… Èra apreciat e perqué ? La responsa serà donada pel reportatge de TF1 suls trafics d’influéncia dins l’establiment de leis sobre las potingas de la securitat sociala (una causa costumièra a París), causa que podèm pas legir dins la premsa locala, quitament l’esquerrista La Feuille (mai fòrta quora i a la dreita al poder que quora i a l’esquèrra francesa) !

Es talament aisit de ganhar las eleccions francesas quora los que págan los clubs esportius dels electors son los laboratòris farmaceutics… Lo modèl còrse en Occitània sembla gaire luènh. Zo aprenèm dins aquel reportatge de TF1, qu’aurà filmat mantunes recantons de la bona vila occitana de Tolosa.

Es lo candidat Michel Gonelle, lo paure, qu’es lo qu’aurà près lo mai dins aquel afar per rason partidocrata ; las rasons partidocratas son la mòrt pel departament d’Òlt-e-Garona.

Vesèm qu’aquesta manièra de far foncionar la republica francesa es un dels elements fantasmats pels antidecentralizacions, per imaginar que lo sistèma decentralizador seriá –supausicion- similar al sistèma République Française ; aquestas antidecentralizacions (FdG e FN, junt en bona companhiá donc) son çaquelà pel primièr contra la publicacion del patrimòni del elegits (dixit Mélenchon, anuèch), e los autres pron proches dels comercials de l’UBS de Jérôme Cahuzac, per ajudar segurament lo patrimòni dels militants del FN que vívon a Neuilly/Seine.

Per eliminar los trafics partidocratas d’influéncia per l’establiment de bonas leis per cadun e non pas per una casta partidocrata (socialista o autra), lo melhor es elonhar la decision politica dels siètis de las multinacionalas, non ? Esperèm un comunicat dels militants del Manifèste Occitanista d’Òlt-e-Garona !

Es lo moment de prepausar un projecte d’aprigondssament de la decentralizacion ; es çò que demanda Martin Malvy, socialista, dins un libre, programat a la promocion sobre doás ràdios istoricas de Tolosa, Sud Radio e Radio Présence.

Se cal pausar la question de perqué la decentralizacion es pas la realitat politica actuala, tantes tempses perduts ; la responsa es clara, los trafics d’influéncias son mai aisits a París, prèp de las multinacionalas francesas que non pas en regions occitanas.

Espèri ambe aquel bilhet qu’i aurà enfin un comunicat dels occitanistas, manifèste occitanista o pas, per explicar als ciutadans las errors del sistèma francés per Occitània, ambe coma sorga l’afar Cahuzac ; esperèm que los militants del Manifèste Occitanista de l’Òlt-e-Garona seràn los primièrs a la redaccion basica… Aquò m’estonariá, mas benlèu un susmaut de colèra podrà benlèu cambiar las amistanças occitanistas agenesas ambe los socialistas oxtodòxes e que son prèstes d’acceptar tot çò qu’es imposat per París ! (per exemple nos far creire qu’aurèm una pichoneta lei parisenca per l’occitan, coma es estat lo cas per la lei deixonne d’un autre temps!)

-°-

Ai recebut un comunicat en francés e bravament leugièr, e sembla fait a miníma, al moment que se publica aqueste bilhet sul blòg !