arcuèlh

diumenge, d’abril 07, 2013

FdG e FN : perqué es lo meteis nacionalisme ?

Mantunes son a s’espantar que lo FdG e lo FN fasquèsse dins lo meteis nacionalisme ; es oblidar de quina manièra es nascut aquel nacional-expansionisme francés !

dins un document sul net podèm listar los parallèls politics ambe lo extremismes de las annadas europèas las mai nègras : francizacion = netejament lingüistic (es de dire escòla de Jules Ferry sonque en lenga francesa, tanben al programa de mantunes sindicats de professors nacionalistas d’esquèrra) e la nacion qu’es aquela que farà que François Mitterrand dirà que Argèria serà sempre francesa, al momenòt èra ministre de l’interior per salvar la linha Dunkirk-Tamanraset, los orizons geografics de totas las escòlas d’intoxicacion republicana, laïca e a gratís ! Avèm ambe Jean-Luc Mélenchon tot aquel ensemble neuseabon, qu’es lo terraire del FN. Se l’esquèrra es aquel nacionalisme neuseabon melenchonista, val melhor votar per la pèsta FN puslèu que far fisença a l’ensemble actual d’unas castas republicanas centralistas… Mas es una ipotèsi que preferisqui oblidar, per non pas simplament anar votar.

Origina del nacionalisme francés

E donc mantunes militants del NPA o del FdG se pòdon elonhar bravament per devenir candidatas pel FN, ont i a lo problèma ideologic ? N’i a pas cap, son sul meteis terraire !

Es alra normal que lo FdG e particularament Jean-Luc Mélenchon fosquèsse francament contra l’ensenhament digne de las lengas, contra una lei e contra la ratification de la Carta (se plaçant aital dins lo camp dels François Hollande and camp per oblidar la promessa 56), ensenhament dins las Calandreta per l’occitan, dins Diwan pel breton, etc. Es alara anormal que professor de literatura occitana fasquèsse d’entrisme politic a l’Universitat de Montpelhièr ! Es anormal que fosquèsse encara en pòste ? NON.

Es normal de veire alara Jean-Luc Mélenchon, e lo FdG de Mulhausen, e lo FN parisenc sul meteis nivèl politic per las eleccions d’Alsàcia.

Nacional-expansionisme parisenc

Encara un còp, cal notar que un professor de Montpelhièr qu’ensenha l’occitan anirà cercar subvencions al nivèl regional, e al meteis temps lo seu cap politic preferit, e talmament estimat que se li ajuda per enganar lo public occitan (ambe la FELCO), anirà destrusir la volontat populara d’un pòble alsacian ; de qu’espèra lo CR de Montpelhièr per sortir totas las subvencions als enemics de las regions occitanas ? Als professors membre del FdG o simplament a los que vòlon far aligança de circonstanças coma Pierre Costa del Partit Occitan Var  ambe lo PdG ?

De qué s’espèra per determinar que podrèm pas avançar al nivèl regional s’avèm de la partiodocracia qu’es melhor que lo desvolopament digna de las regions occitanas, bretona, alsaciana, flamanda, savosiana, catalana, còrsa, martiniquesa, goadelopeana, guianesa, reunionesa, kanaka, polinesiana ? E daissar paris se despiadar ambe l’etnisme qu’a fabricat lo seu republicanisme extremista, car se cal plan questionar sul seu desvolopament a l’UMP, UDI, PRG, PSf, PCF, MoDem-EELV !

-°-

Per Alsàcia votariái OUI !

Votar per Alsàcia

Per la dignitat del pòble occitan, votarai sempre ÒC !