Acabèm d’escriure un bilhet sobre la davalada de TF1 a Vilanèva d’Òlt (e segurament foguèt pas lo sol mèdia parisenc qu’a trapat lo camin de la província), mai de mediòcra prepausicion d’enquèsta. Alara perqué i tornar ? Per vos conselhar de legir l’article d’en Alain Lipietz sul tèma, me sembla pron clar. Assajarai de ne far un emplec resumit en lenga occitana.
L’afar Cahuzac es donc un còp tarribla per la democracia francesa, la République française. Se podriá que fosquèsse a un moment mal causit, per astre i a pas cap josius, nimai musulman ! Vertat. Mas i a un sistèma politic partidocrata.
Avèm una oligarquia que pana la democracia a las populacions ; es la meteissa oligarquia qe farà que las lengas dels pòbles seràn pas oficialas dins l’Estat plurinacional francés. La plutocracia republicana francesa sembla fòrça a los qe menavan l’Estat abans 1789.
E alara caldriá pas oblidar, comla o faguèt France 3 Aquitaine, que l’òme es pas davaladat aital tot sol : la section socialista locala en maissant estat a agut segurament quicòm a dire, talament que Marcel Garouste tres meses aprèp la victòria de Vilanèva d’Òlt n’èra pus en accòrd ambe el, segurament pas per causas personalas, mas causas que cal pas dire en public, perqué tocava la linha politica socialista. De mai, quí me farà creire que la direccion del Parti Socialiste èra pas estada informada de l’interès de mandar Jérôme Cahuzac dins aquel recanton, coma o faguèron per Lionel Jospin a Senta Gabèla, abans sa candidatura a las eleccions presidenciala ?
Aquela tecnica partidocrata mesura aital lo nivèl de consideracion que los partits parisencs an de la populacion locala. E aquí i plaçi tanben lo RPR, l’UDF, l’UMP e lo FN !
Çò que me questiona encara : perqué los mèdias ne párlan pas d’aiçò ? D’aquel sistèma politic que fòrma a partir de sciéncias politicas (universitat del formatatge politic) lo formatatge dels elegits qu’an lo dreit de pensar las leis republicanas parisencas ?
Alara, malgrat tot, comprèni plan la populacion de Vilanèva d’Òlt que tornarà votar per el, Jérôme Cahuzac. Un gat qu’a tocat un còp lo lait caud, sap qu’i cal pas tornar, e sap o descriure melhor per esperar que la tempetatura baissa… e un biais melhor per tot per saber coma l’emplegar.
Donc s’èri de Vilanèva-d’Òlt votariá benlèu per el, ambe un presentiment que fariá de ben al sistèma democratic, a l’oposicion del sistèma partidocrata. A desfaut d’aver una vertadièra refòrma, que los elegits mandats a París, dempuèi Occitània, i anguèssen pus, e damorèssen al país nòstre, prèp dels problèmas e elonhat de l’oligarquia francesa.
Cap comentari:
Publica un comentari a l'entrada