Abans ièr, via la television basca EITB (es pas una agéncia de premsa, es una television), un comunicat del Parti Socialiste francés assajèt de manipular l’opinion ; de quina manièra ? Es clar que lo sol personatge qu’es capable al govèrn d’acarar los nacionalismes franceses d’esquèrra e donc salvar lo sistèma electoral socialista en Pirinèus-Atlantics es Christina Taubira. Perqué ? Perqué es la sola a aver un argumentari fòrt sul tèma de la diversitat de las lengas, zo aviá jà probat al moment de sa campanha electorala presidenciala aquò farà 9 ans !
Aqueste maitin un bilhet d’un blòg de France 3 Viure al País explica que l’afar èra una engana, per fabricar un buzz sense cap contengut, ni enveja socialista sul tèma.
Dins lo bilhet aprenèm que lo comunicat socialista es vengut de Colette Capdevielle, e data del 3 d’abrial.
Aparentament, lo movement politic socialista francés (nacionalista d’expansion parisenca) en Bascoat e Bearn sembla pas informada que Internet ajuda a la transmission rapida de las informacions, e donc de las enganas que lo seu sistèma enganador fabrica regularament, e dempuèi l”’existéncia dels socialistas, o quasiment dempuèi que los fondadors del Parti Socialiste faguèron politica :
Non i a pas cap memòria politica dels actes negatius dels partidocratas dins lo ment de militants de novèla sorga !
Aquel comunicat de Colette Capdevielle pròba que la pression electorala sul Parti Socialiste francés es utile, car la plaça lor es necita vist que son que professional del tèma.
Podèm tanben questionar l’occitanisme e particularament los manifestians-occitanistas : EITB manipulat pels socialistas franchimands del Pirinèus-Atlantics a prepaus de la lei sobre las lengas .... Segur que lo PSf de PA a fòrças causas de perdre electoralament !! Lo camin basco es clar, perqué los electors e las electriças an una alternativa politica clara (abertzale), mas endacòm mai (Occitània, Peitavin, Flandras, mai que mai), de qu'avèm per Occitània ? Lo problèma es que los socialistas franchimands en Occitània non pòdon envisatjar la demanda basca, occitana, còrsa, catalana, etc. al delai del cas de las lengas. Lo ment franchimand dincal cap. Recentament, un militant occitan m’explicava que non res explica la defensa lingüistica que per rason d’identitat, que la lenga fosquèsse emplegada o pas, e es pas un membre dels Identitaires !
Gaitatz aquel document trapat sus FB, e la persona qu’o mandèt es luènh d’èstre de l’opinion dels Identitaires modèl francés, expansionista.
L’identitat occitana es dins l’occitanisme tanben, e cal remembrar que al delai de la lenga i a un projecte politic per Occitània que o volguèsse amagar los culturalistas de l’occitanisme. Se cal listar los projecte politic, pensi qu’aurèm pas pron d’un paragrafe, e aiçò lo sistèma franchimand en Occitània non o vòl entendre, perqué ? Es talament simplàs de vóler aver un sl cap dins un movement cultural, per o melhor destrusir o manipular a volontats colonialistas regularament resurgentas en republica francesa.
Es vertat que la causa que despassa lo ment e la pensada politica dels socialistas, comunistas o esquerristas franchimands en Occitània es plan aquesta nocion d’identitat ligat a la lenga e lo seu emplec ; perqué ? perqué pensa sul modèl francés ; o cal tornar dire : en 1789, se parlava dels pòbles de França, puèi arribèt la granda manipulacion e confusion entre la ciutadanetat (juridic) e la nacionalitat (antropologia), ara los socialistas (generalista semantica per dire ‘esquèrra’ nacionalista francesa) an plan assimilat que la lenga es l’expression del dreit francés, del dreit republican. Es la rason màger perqué ambe los socialistas aurèm pas de lei per las lengas, jamai. La situacion socialista en Occitània es alara bravament diferenta que l’expression socialista de Bretanha ; aital son en plena contradiccion ambe Joan Jaurès, e la politica que vòl reviscolar l’idèa de Jean Jaurès serà sempre sense accion reala, per los mejans per imposar l’idèa se farà sus long periòde, e lo periodisme aquel a res de veire ambe lo periòde cort de reaccion de nacionalista franceses e socialistas qu’an totes los mejans audiovisuals en man per se poder exprimir, quitament los mai sensibles sul tèma, coma EITB ; los jornals en lenga francesa de France 3 non ne vòl parlar, es tanben lo messatge de Clamenç Alet dins aquel blòg.
Per aiçò lo bilhet francés de Clamenç Alet sul tèma es un bilhet d’un grand interès, e d’una granda importança per desmontar la manipulacion mediatica sempre en vigor dins lo mitan dels electoralistas socialistas o umptistas en Occitània. Sus aquel tèma, al mens los Bretons socialistas son mai clars que los socialistas del Bascoat-Iparralde e Bearn ! E l’afar, quitament faussa, es utile per EITB, pròba al mens que son capable de sortir notícias del tèma quitament dels Franchimands socialistas.
Cap comentari:
Publica un comentari a l'entrada