arcuèlh

diumenge, d’abril 07, 2013

Cadun un paradigme mas en partidocracia

Lo parti de gauche a tribuna duberta dins L’Humanité :

Parti de gauche

Las Corbièras son una pichona montanha que los Reis dels Francs avián cresegut pron sufisenta per decretar l’ambargò economic contra los Catalans. Un Corbièra escriu dins l’Humanité per explicar qu’ambe los paradigmes marxistas sol tèma de las classas dominanta, aquelas de l’argent-rei, se podrà resòudre los problème de l’ensemble de la societat, coma se lo modèl èra pas jà estat aplicat e ambe quin estrambord per arroinar totes los pòbles de l’Euròpa de l’Èst !

La partidocracia es un sistèma de gestion del sistèma politic qu’alonha la democracia de las realitats de las populacions, res de mai.

Avèm aquí un document L’Humanité que pròba que creson encara a l’Estat centralista, e que pensan pas qu’aquel estat centralista es la sorga del problèma, e non pas la solucion ; an pas res coma consiéncia istorica sobre las 50 darrièras annadas, malgrat çò que lo tèxte nos vòl far creire ; car aquel tèxte explica lo XXIen sègle ambe los paradigmes de las annadas 1930, coma se res aviá cambiat !

Son quasiment, coma a l’extrèma-dreita, a esperar que l’istòria se repetitèsse. Es pietadós ! Lor agrada d’aver un enemic politic clar, losr agrada d’aver a valorizar l’extrèma-dreita en crear manifestacions antifascistas, per pertpetuar lo sistèma e assegurar una longa vida a las aplicacions de las loras teorias politicas.

Dins las annadas 1930 la democracia èra confiscada per una elita francofòna, militarista, e centralista, e la populacion deviá accedir al poder sonque se mestrejava aquela lenga de putariá politica ; anuèch que lo netejament lingüistic es fait, avèm pus qu’a esperar que lo poder tòrne al pus prèp de las populacions (occitana en Occitània), e la solucion bailada pel Parti de Gauche es de contunhar aital lo centralisme democratic francés, contunar ambe los problèma franceses en Occitània !

Sembla que lo Parti de Gauche aguèsse oblidar la primièra partida de la revolucion francesa ! Li cal recordar d’ont sèm partits …. al nivèl del dreit.

Mapa juridica de l'ancian regime franc

Lo dreit escrich es pas aquel del nòrd de França, es de nosautres Occitans, e avèm problèma ambe París que dempuèi que la revolucion francesa a mesclat la ciutadanetat (lo juridic) e la nacionalitat (l’antropologic), e avèm problèmas grèus ; dempuèi aqueles tempses, lo dreit qu’èra emplegat per una casta de la sang blava abans 1789, es emplegat per una casta d’artèris monetaristas aprèp 1792 ! Avèm donc pas cambiat de paradigme ambe la revolucion francesa, nimai en 1848, ni en 1918, ni en 1930, ni en 1945 !

Car lo problèma es pas que lo Parti de Gauche trapa solucions pel sampitèrne Estat de las enganas reiala o republicana, mas lo problèma es plan : a quin moment los Occitans se despertaràn !

-°-

République Française 5