Me sembla important d'apondre un argument als socialistas de l’Agenés, jamai vist pel sistèma politic vengut de la decentralizacion. Las LGVs seràn pagadas pels OCCITANS (Gasconha o Provènça) per ajudar los Parisencs, los foncionaris de prefecturas e lo sistèma administratiu bonapartistas de viatjar melhor cap a la santa capitala del PÒBLE UNIC E SANCTIFICAT DE fRANÇA.
E malastrosament per la sola linha que necessita pas de passar per París [Barcelona/Hamburg], l'Estat central pagarà jamai, la LGV entre Nimes e Perpinhan/Perpinyà es una engatjament del sol Conselh Regional de Lengadòc-Rosselhon per la pagar, res de l'Estat jacobin e republican francés.
Barcelona/Hamborg es segurament la linha la mai importanta per desvolopar la logistica utila, e per estauviar lo nombre de batèus (e d’accidents maritimes per Bretanha) entre Normandia-Picardia-Flandras e lo Kent. Es la zòna de trafic mondial lo mai bèl, es la sola zòna que cal demesir lo nombre de batèu de passatge, un concepte qu’escapa reala als Parisencs.
Cal notar que la municipalitat de Lairac a demissionat e qu’en junh un novèl conselh municipal aurà de votar per o contra la LGV que copa la comuna de Lairac en dos, e desvolopar clarament tot lo vilatge de la pòrta de Gasconha, sense valorizar brica la linha de tren –jà existenta- entre Agen-Lairac e Aush !
Cap comentari:
Publica un comentari a l'entrada