arcuèlh

dissabte, de juny 02, 2012

Per l’ensenhament de l’occitan a Montpelhièr arriba una granda novèla

Se vei sovent de tristum dins aquel bilhet, e bè per un còp e malgrat las tristessa portada per l’Estat francés e la seuna administracion, la granda novèla es portada pel Conselh General de l’Erau.

Lo besonh d’un collègi bèl a Montpelhièr es la resulta d’una demanda dels parents, e tanben de l’investiment important de las comunas per crear lo sol mejan eficaçe per l’ensenhament, crear Calandretas pertot. I a pas d’autres camins mai eficaçes. Es lo camin que deuriá prendre Tolosa per non pas tardar per desvolopar los objectius que se son donats.

Leon Còrdas a Montpelhièr Midi Libre 020612

O cal confirmar, encara un còp, per avançar seriosament per l’occitan e sul long tèrmi tal que zo cal desirar, i a pas melhor que la decentralizacion e l’organizacion federativa Calandreta.

Mantunes pòdon peticionar, l’Estat francés serà sord, e quora zo serà pas, serà per desorganizar sistématicament lo revicòl necita de l’ensenhament de l’occitan.

Mas es plan evident tanben que la dimension d’aquel investiment del Conselh General es pas al nivèl de l’enòrme investiment que cal per reviscolar l’ensenhament de l’occitan. Mas aqueles investiment cal soetar que fosquèssen mai nombroses e donc que las autoritats de la decentralizacion aguèssen totes los mejans financièrs per remplaçar l’Estat francés en Occitània. Es per aquesta rason que soi contra la destruccion dels departament, perqué n’aurèm pas pron per bastir una societat occitana administrada coma cal se destrusissèm las administracion qu’existísson uèi, e que son tanben una bona aisina de desviolopament occitan.

Per contra, l’utilitat de l’Estat es sistematicament una causa que se podrà dobtar ; e donc, la seuna utilitat en Occitània es nulla, la consequéncia es que cal autoritats eficaças per la gestion d’Occitània, donc cal eliminar pauc a pauc totas las administracions d’Estat.

Comentari Centre pour la fRANCE 2

Encara un còp, cal felicitar lo Conselh Generau de l’Erau per aver ajudar d’aquesta manièra Calandreta, es un engatjament politic que ne devèm tenir compte dins lo departament concernit.

E tot sistèma politic qu’atacarà aqueste investiment serà donc de criticar e de considerar que serà contra un desvolopament digne de l’occitan.