Provocacion, ignorança o error, l’IEO a prepaus de la bandièra espanhòla ? Qu’es aquò l’IEO ? Institut d’Estudis Occitans, associacion creada en 1945, ambe militants de tria, transformada en luòc de reclassament associatiu per l’ensenhament dels militants, e luòc associatiu o ‘braç’ non armat per la politica lingüistica actuala. Ai çaquelà un dobte… O podèm veire aquí :
e cercavi l'informacion en lenga occitana ; existís pas. l 'IEO a pas pensat la publicar....
Benlèu que los que párlan occitan devon èstre sapient sul tèma ? Pel moment, sabèm que sábon pas la diferéncia entre la bandièra actuala del Reialme d’Espanha e del temps del franquisme. E soi segur qu’èran a la manifestacion contra l’extrèma-dreita dissabte passat !
Soi de mai en mai convençut que sortir de l’universitat de letra de Le Miralh pòrta pas a la facilitat per defendre e promòure correctament l’occitan ; fauta de coneissença de l’environament politic e istoric d’Occitània.
L’IEO es faita de mantunas associacions departamentalas, es donc una federacion d’associacions ; o es clarament una associacion que se vòl federacion.
Se sap finalament gaire de causas sobre l’IEO, qui son los militants ? Quinas son las associacions (contengut e projectes, e ligams politics) ? Gaire de cercaires del CNRS ne faguèron de recèrca sobre, gaire… Es devenguda una associaicon dementre las autras, mas se vòl un agulhon e recentament un vièlh militant pausava aquí lo ròtle de l’IEO dins l’edicion, e son acabament, del grand diccionari d’en Cristian Rapin. Alara podèm questionar lo ròtle de l’IDECO, associacion creada pels militants tarneses de l’IEO.
Perqué d’associacions ‘vièlh’-membres se son elonhada de l’IEO dicha ara federala ? Perqué ? O podèm jamai legir dins la premsa en lenga occitana (La Setmana per èstre clar), nimai la premsa associativa de vièlha soca ; digun se pausa la question ; sembla èstre tabó.
Pel moment, podèm clarament dire que l’IEO es una associacion discreta.
Cap comentari:
Publica un comentari a l'entrada