Los patricolatges castics dichas republicanas son desveladas en partida per Le Monde, lo cas concernit Sciences Po Paris. L'Ena es un problèma republican francés, per la seuna simplassa existéncia. Sciences Po es atanben un problèma per reprodusir la casta republicana francesa. Tota refòrma d'aquestas formacions es la preseguida del problèm francés.
Son pron influent per esquatar totes los pòste tecnocratic de las administracions de l’Estat centralista, mai tanben de la decentralizacion. Son pas jamai la faciada, son sempre darrièr, e an jamai trabalhat dins las vertadièra vida d’entrepresa, dins la societat reala.
Fan los dorsiers, fabrícan tota la pensada dicha republicana, en sistèma monopolistic e unifòrma. Contrariament a çò qu’explica Philippe Nemo dins un programa de France Culture, son pas encausa d’èstre socialistas totes, non ; lo problèma es que son totes formats sul meteis modèl politic, lo centralisme democratic modèl republican francés. Dins aquel programa Philippe Nemo explica plan çaquelà lo problèma ontologic del sistèma republican francés de formacion de las elitas.
E aurètz Cornelius Castoriadis qu’explica quasiment lo meteis problèma, aiçò sus France Inter, uèi entre 15h00 e 16h00. Dins un programa qu’es sampiternalament difusat, mas jamai entendut per las populacions dels votants, nimai per aquesta casta, ni pels estudiants d’aquesta casta republicana francesa, car Sciences Po es pas simplament París, lo problèma ; Sciences Po lo problèma es pertot dins totas las universitats de l’Estat francés, sense cap excepcion.
-°-
Petou Cagablea : «es parier a Nissa mas per un còp ambe los colons franceses. Çaquelà, en fRANÇA son mai pervèrs perqué digun capita de saber çò que se debana realament dins lo nòstre «beau pays de Nice». La censura i es perfacha e sancièra. Piège, basta que l’Estat francés diguèsse que los independentistas fosquèssen fachòs o violents, las gents memorísson sonque forçadament que independéncia vòl dire faschisme. Vòlon alara jamai que tot agachar çò que fan los independentistas dins los escriches. Los colons franceses an decidament plan fach e fòrt, encara mai fòrt que los angleses al Canadà.»
Lo complicat es tanben de saber realament d’aver un debat sul subjecte, semantica e biais de foncionar, d’un costat o de l’autre. I a jamai de debat suls tèmas dins los mèdias franceses, o alara ambe los sampiternes collaboradors de la casta republicana que se reprodusís dins lo sistèma Sciences Po de las universitats de netejament de la pensada umana, per agradar al nacionalisme expansion parisenca, a Niça o autras ciutats d’Occitània.
Cap comentari:
Publica un comentari a l'entrada