Auriái imaginat, ai pantaissat, un jorn que los Occitanistas, o supausats aital, fosquèssen mai assabentats ambe la creacion de La Setmana, o quitament del Jornalet, o quitament de Ràdio Occitània. Mas non, dins lo programa del Festenal Occitània, recebut ambe una adreiça vièlha de mai de 15 annadas e non rectificada, ai poscut veire la meteissa causa que un Bearnés plan conegut e que gausa escriure publicament lo son desamor d’aquesta programacion 2012.
Legissètz :
Vaquí lo tèxte en clar :
Adishatz collègas,
Qu'avets causitz d'invitar au hestenau occitan la Marilis ORIONA. En tant que occitanista de basa e deus vieilhs, cantaire engatgeat per noste combat, que soi hort esmalit uei, e dab jo, fòrça occitanistas de Bearn de constatar aquera hèita. L o personatge ei lo perfect simbèu de la luta anti occitanista, la qui desempuish annadas ataca los militants occitans de Bearn e Gasconha, la qui trivalha en collaboracion dab los mei hastiaus deus tradicionalistas de l'Institut Bearnes e Gascon ua lèda casta on trovam ancians de l'OAS, vieilhs pétainistas qui castanhan despuish mei de 50 ans contra l'occitanisme, contra tot ço qui a heit lo desvelh occitan aci e aulhors. (en junt los contactes qui podetz leger deus "fans" de La Mariòla).
Mes, que cercatz ? De har provocacion? De mascar ua pòu o ua covardisa hort presenta malurosament dens lo monde occitan ? O l'avetz de har ajuda sociau... En noste departament qu'ei la guèrra contra los reaccionaris qui nos vòlen la peth, e a Tolosa, es la fèsta maquarèu! Drin de solidaritat séré d'escadença. Que podetz enquèra réagi. Totun, sapiatz que haram tota la publicitas de qui cau sus aquéra dauna.
Salutacions occitanista.
Lo sol comentari que podrai apondre es que l’afar es fòrt de café ; car al meteis moment son aquesta tropa de supausat occitanistas que fan tot per frenar los ligams amb Catalonha, per d’autras associacions de l’Ostal d’Occitània. Se creson aver lo monopòl de l’occitanisme blós, ne vòlon veire qu’un lo lor, e vesèm un pauc la coloracion que i vòlon donar !
En conéisser plan lo Bearn, en saber quines son los punts de partenças politicas de cadun, soi tanben estomagat de la causida de Marilis Oriona per illustrar l’occitanisme que canta, es l’anti-occitanisme puslèu.
Quora vesi que son los meteisses que fan grandas elucubracions d’esquèrra contra contra los «identitaires» ! O que fan la promocion de Fèlix Castan !! Aquò me far pensar que… vau melhor se calar dabans tantes irregularitat de la pensada e pensar que l’occitanisme amerita bravament melhor.
Aquesta istòria cabresca finirà benlèu per convéncer l’occitanisme que val melhor èstre informat ambe mèdias independents e plurals.
Cap comentari:
Publica un comentari a l'entrada