Legirètz l’article de Le Monde –es malastrosament jà de dissabte, un pauc en retard sobre la descripcion de çò que se debana a Barcelona e Madrid ; alara segur vos pensarètz que los Catalans son maissants per non aimar Madrid ; bon, e aprèp que volètz far d’aquesta «mesurada» confirmacion jacobina ? Res, levat benlèu de pensar coma El País, La Razón, l’ABC o La Gaceta que cal reviscolar l’armada en Catalonha….
Me sembla çaquelà que li cal demandar de passar a una autra etapa !
Artur Mas explica dimècres passat, segurament la jornalista de Le Monde i èra encara a Barcelona : «cal bastir un Estat ».... E i a un a majoritat d'independentistas al Parlament - Parlament elegit de Barcelona; volèm saber quí son e de quina manièra vòlon far per èstre independents ; volèm pas que Le Monde o la supausada jornalista de Le Monde prenguèsse una opinion, mas qu'informèsse, simplament ... e sèm quitament d'accòrd perqué nos expliquèsse perqué serà impossible se n'a los mejans jornalistics !...
Que son aquestas gents, qu'es aquesta tropa ? Volèm saber ! ( al delai dels eslògan). Que la jornalista de Le Monde nos expliquèsse, enfin ! E que fasquèsse enfin son trabalh de jornalista : INFORMAR, e non pas manipular.
En resumit l’article explica : los Catalans son maissants de 5 a 110 ans, e egoïstas independentistas, alara que cal far ? Los matar ? Es la solucion prepausada ? Los exilhar ? Son 7 milions (estadisticas), e 2 milions independentistas (pel mens).
Mas concretament, que vòlon aquesta gent ? Perqué cántan l’independéncia en directe de RAC 1 lo maitin en moment de granda audiéncia ? Explica-me Sandrina Morel e assaja la creativitat al nivèl de l’informacion. La responsa a las questions sobre l’independentisme catalan serà un jorn dins la premsa francesa ? L’argumentaris dels professors independentistas d’universitats del monde sancièr que demandan l’independéncia de Catalonha, i seràn un jorn ?
Le Monde o sap pas ? O o vòl pas escriure ?
Cap comentari:
Publica un comentari a l'entrada