Ièu mandi mas felicitacions democraticas al representant de la nacion martiniquesa per aver portat lo debat sul tèma de la civilizacion dels imperialistas franceses (republican) o alemands (nazi , sistèma politic frenat per las nacions liuras anglesa e nòrd-americana, mai tanben sovieticas), contra la civilizacion de la sotmission o del plega-esquina que se sembla acabar quora l'UMP prepausa debats de la boca d'un sinistre...
Actualament, ai una granda solidaritat ambe lo discors prepausat a París e me sentissi plenament representat pel Parti Progressiste Martiniquais ! Òsca al Parti Progressiste Martiniquais d’aver mandat Sergi Letchimy a París per donar aquel discors.
Actualament pensi als bons cristians de Lengadòc, als Gascons d’Aquitània, que son estats massacrats per mercenaris de l’imperialisme francés e donc una sacrada arrogança reiala, sanctificada pel papisme, devenguda francesa en formar lèu la dicha nacion segon Ernest Renan. Aquela França es un element anti-umanista, es un dangièr pel planèta, èra la referéncia ambe Napoleon d’un Adolf Hitler, Sergi Letchimy a rason e a tustat al bon endreit e coma cal.
Uèi soi Martiniqués.
Quí gausarà en Occitània nommar una plaça Sergi Letchimy per aver gausat plaçar lo camp nacionalista francés dins la bona bordèra de l’Istòria ?
-°-
Dins l’actualitat e en esperar la lei prometuda per Nicolas Sarkozy e l’UMP-NC sobre las lengas en fRANÇA (volèm pas simplament la compassion del 75-1)… un fòto venguda de Bretanha.
Dins l’actualitat podèm tanben dire qu’Occitània es endormida per la nèu, e alara … Vacanças ennevada per totes/as (licèu, colegian e escolans) per meditar sobre las paraulas sanitosas de Serge Letchimy, sul tèma de la civilisacion francesa que destrusís Occitània.
Caldrà soscar sobre la civilizacion dicha francesa qu’a massacrats ‘bons cristians’, Gascons en Aquitània, protestants e jansenistas, europèus ambe las tropas de Napoleon dins tota l’Euròpa, mai tanben plaçat los Occitans, Bretons, Catalans, Bascos, Còrse dabans en 1914 (perqué parlavan pas la lenga de l’elita armada), 1918 massacra dels militants e ciutadans de la novèla republica sociala de Lotarengia (100.000 mòrts), per parlar de simplament l’Euròpa… Qu’es aquela civilisacion francesa que se vòl … un pilar pel planèta ! Fotesas.
Fotesas de civilizacion mas constança francesa per destrusir los pòbles del continent sotmetut e las nacions europèas.
Es que la nèu en Occitània farà soscar la nacion nòstra ? Serge Letchimy prepausa lo camin de la repentensa istorica pels Franceses, e pas sonque los qu’an collaborat ambe los nazis o qu’an votat los plens poders a Pétain !
-°-
Es lo pas de Guéant, per las danças nazionals françAIses (ambe l’accent que cal, miladius), una «valeur et tradition française»* (dixit François Fillon ambe l’accent angevin, miladius !).
Marine Le Pen prega per las signaturas obligatòrias demandada per la Constitucion e per poder se presentar, coma fan de costuma dins la familha. François Bayrou prega … tanben.
Cap comentari:
Publica un comentari a l'entrada