Es que i a jamai agut un interès per Occitània de pagar per una entrepresa d’Estat coma Renault ? Renault èra una entrepresa d’Estat, e donc l’avèm nacionalizat, enfin los representants del sistèma politic prepausat als Occitans e a las Occitanas, e qu’es un sistèma nacionalista francés qu’a praticat una politica industriala pel nòrd de l’Estat, es de dire fòra Occitània (veire mapa de la desindustrializacion publicada per Le Monde, jornal del jacobinisme francés).
Quina es la diferéncia entre una entrepresa d’Estat qu’impòrta d’immigracion per trabalhar dins las usinas Renault e una usina Renault qu’impòrta al Marròc una usina que i trabalharàn los obrièrs e las obrièras del Magreb enluòc de migrar en fR-nça e desagradar al nacionalisme francés ?
I a jamai agut en Occitània de politica industriala de l’Estat central, malgrat çò que pòt pensar Dupont d’Aignan ; e aiçò de votar pel sistèma francés de la politica es un agrement per la non politica d’Estat en Occitània. La solucion es clara, se cal prendre en carga, o ambe los mots mai tecnics e politics, cal demandar l’autonomia per un futur melhor que fosquèsse pas aquel de pensat per nosautres a París o per las castas dels partits politics franceses en Occitània. Lo pòble d’Occitània s’auriá de despertar, e non pas en votar nacionalista francés l’esquèrra o de dreita.
L’avantatge de Tanger per Renault es la platafòrma logistica directament religada ambe Barcelona e benlèu Narbona… e donc enfin un flux economic per la fabricacion de veïculs pel continent europèu en Occitània, enfin ! L’avantatge de Tanger per Occitània, es la pausicion estrategica per Occitània per distrubuar en Euròpa.
Cap comentari:
Publica un comentari a l'entrada