François Bayrou e las lengas de fR-NÇA

BAYROU : «Rendre obligatoire [l'enseignement des langues régionales], ce n'est plus avoir la liberté de choisir.»

Avètz aquí lo tròç qu’es estat retengut per mantunes internautas. Es evident qu’es pas sufisent, explicarai perqué.

Mas abans vos cal gaitar l’Agence Bretagne de Presse que nos dona lo seu trabalh d’informacion sul tèma. En francés e de granda qualitat.

De tot biais, l’imposicion de l’ensenhament de l’occitan es clarament e tecnicament impossible en Occitània, vist lo trabalh de sapa que l’universitat de Montpelhièr a fometat per frenar lo nombre de sortida de professors (e qu’assaja uèi de non pus far), a fomentat per assecar lo nombre de professors qu’anávan per Calandreta, e perqué an agut páur de la regionalizacion dels pòstes, previst pel poder UMP-NC, e donc oposat a l’ideologia comunista de mantunes (jacobin autoproclamats e ensenhants d’occitan) e lo centralisme de las decisions de l’Éducation dicha Nationale.

Crear d’escòlas d’Estat per l’occitan es preparar lo contengut de las manifestacions futuras, d elas peticions, etc. e alara es facilitar las destruccions de l’ensenhament quora i caldrà demesir los budgectes ; es aital la rason donada per destrusir las classas bilingüas de Bigòrra, de Le Vigan, de non crear Laròca-Timbaut ; e coma an pas res comprès los Occitanistas d’Ortès o d’OC-BI, se vòlon duèrbe una escòla d’Estat per l’occitan a Ortès o a Montpelhièr, per la clavar en 2014 ? E al meteis temps, Calandreta –economicament mai de fisença per desvolopar una politica- es mòrt de dardenas per se poder desvolopar naturalament, car i a demandas ! I a una demanda bèla per l’ensenhament de l’occitan.

Quora se sap que cal 4 annadas per duèrbe uina escòla bilingüa a Tolosa, sièis meses per l’alemand en immersion a Colomiers… Se podrà pensar que las dificultats de creacion d’escòlas en occitan se abaissa se los projectes son sonque Calandreta PUNT. Temps perdut estauviat.

Çò que faguèt Bayou per l’occitan es jà important dins lo passat (perqué François Bayrou a un passat positiu per l’occitan e las autras lengas de l’Estat jacobin francés), cal notar que l’Institut Occitan es estat creat per Francesc Vairon-Bayrou per rason d’equitat ambe la politica engimbrada per la lenga basca. I a mantunes esquerristas que l’an oblidat e que se máinan d’o far oblidar, de Niça a Baiona (serà sempre criticat e castigat aquí, perqué la prioritat es la lenga occitan, pas lo sistèma de pensada politica esquerrista francés o occitan).

Cal notar çaquelà que l’occitan serà pas salvat per una politica d’Estat, mas alara devèm préner en compte lo capítol politic dels poders dins las regions ; de quina qualitat son los programas an aqueste nivèl ? Quí vòl donar poders o constitucions dins las regions ? La lista es corta ! Mas los dangièrs son ambe Jean-Luc Mélenchon e Marine Le Pen justament, mai tanben Dupont Aignan, e una granda partida de l’UMP actual.

Mas tornam al subjecte e la responsa que m’es arribada pels Internautas :

La responsa es francament pas sufisenta, sobretot que ...

1 / l'imposicion del modèl francés sobre l'ensenhament de doás lengas existís en Corsega, la responsa de François Bayrou indica que coneis pas lo subjecte de Corsega.

2 / sobretot que l'Estat es pas rasonablament en capacitat d'imposar a l'Éducation dicha Nationale una politica d'aquel tipe sense un acte politic al cap de l'Estat.

3 / l’imposicion d’una lenga es una règla francesa, e l’imposicion d’una lenga es lo modèl gaelic d’Irlanda (a partir de 1921), a pas foncionat per aquesta lenga ; a foncionat en Corsega, mas degun l’emplega actualament a l’Assemblea de Corsega, levat de faiçon excepcionala per installar una posicion nacionala còrsa, unicament.

La responsa de François Bayrou es pas clara, e evidentament pas brica sufisenta.

Mas perqué es sonque aquesta frasa que vira actualament sul malhum ? Quin ròtle mantunes esquerristas occitanistas vòlon desvalorizar dins la candidatura del bearnés François Bayrou ?