Me sembla que l'UMP fauta d'idèas polidas, originalas, per l’avenidor, per emplenar un programa, al nivèl del contengut dels referèndums, alara vaquí una idèa per l'UMP :
1 / prepausi una referèndum sobre l’utilitat del budgecte presidencial, sobre lo budgecte de l’Elysée e del staff que sabèm quitament pas lo còst collectiu.
2 / prepausi un referèndum sobre l’utilitat de las prefecturas, de las centralas nuclearas, e las escòlas de las minas.
3 / prepausi un referèndum sobre la quantitat de diplomatas franceses, l’avèm vist que al moment de la dicha revolucion araba, qu’èran pas gaire eficaç, malgrat lo nombre important e sobredimensionat per rapòrt a las capacitats francesas de pagament e d’aver una diplomacia sul planèta sancièr.
4 / podèm far tanben un referèndum sobre l’utilitat del Charles de Gaule, aquel pòrta-avion que sembla pas poder fioncionar mai de quinze jorns en seguida dins la mar Miègterranèa.
5 / podèm prepausar una referèndum pre estauviar una cambra (Sénat o Assemblée nationale).
6 / podèl prepausar un referèndum sobre l’utilitat de l’ENA e de las universitat de sciéncias-politicas.
7 / podèm tanben nos pausar en referèndum una question sobre l’utilitat del budgecte del ministèri de la cultura qu’es desgalhat a mai de 80 % en region parisenca.
Cal aver un fum d’idèas per estauviar las monedas publicas, e soi segur que los 7 punts indicats aquí, 7 punts mai segur per estauviar que lo budgecte dels caumaires, 7 punts politics que faràn datas ; 7 punts per 7 jorns de la setmana, un jorn / un referèndum ! Aquò es una idèa per aucupar los foncionaris del centralisme francés.
O alara en luòc del referèndum, se podriá atanben organizar la caça als caumaires pels militants UMP, ambe un permís de caça pagat per la caissa de las eleccions o las maletas dinerièras de las familhas industrialas que sostènon lo partit, tè vaquí una idèa qu’es bona. La vau donar a un militant UMP tre que vesi un sul mercat, ambe un punhat dins la cara per estampilhar la mandadissa.
Bon clarament, avèm la candidatura, mas pas de programa.
-°-
Mai seriós es la responsa de François Bayrou, legissètz (lo staff MoDem es mens bèl e còsta mens qu’a l’UMP, mas la responsa es clara):
Cap comentari:
Publica un comentari a l'entrada