Èrem mai d’un centenat de ciutadans tolzans per arcuelhir las resultas de la COGORDAS AWARDS, lo primièr prèmi occitan occitan.
Es lo primièr còp en Occitània que l’umor acompanhava una qualitat als castigaires costumièrs de la lenga occitana, o al somriure occitana ; avèm donc vist las resultas, sense cap d’interès per la resulta, mas evidentament per aver una fotografia de las estupiditats planetària, internacionala, francesa, exagonala, provinciala, etc., e per èstre listat per la discreta Acadèmia de las Cogordas, amassada de prestigioses occitans aparaires e salvaires universals de l’umor occitan (pel mens).
Es sonque la Cogordeta Occitana fasguèt participar los Occitans per s’autoqualificar, e bè, nos sèm plan regaudir de la serada independenta, privada (e grandament duberta a la ciutadanetat occitana, e francesa de Tolosa).
Avèm debutat la serada per l’installacion o l’aucupacion d’un luòc discret de la vila, puèi las causas se son grandament desvolopadas, aprèp un aperitiu de Sauterne, coma a minímum la qualitat que se cal per debutar una hèsta a Tolosa !
Cal vertadierament dire que l’organizacion foguèt de granda qualitat, estrambordanta, superba, per un afar que los Occitans e los Occitanistas an pas ges la costuma de far ; serà una primièra que baila aital un grand espèr per l’an 2013.
De la pensada del projecte (aquò farà 4 meses), dinca la serada de ièr e tanben la nuèit e la jornada de uèi (per la fabricacion de la vídeo, e la mesa al public de la serada), podèm dire que l’òbra es estada complicada, e sobretot INDEPENDFENTA, e un collectiu divèrs de mantunas personalitats (grandas !).
Aquí sobre aqueste bilhet apareisserà lèu los ligams per fintar la vídeo e totes reportatges mediatizats sul tèma.
Podètz fintar aquí, la vídeo disponibl& a partir de dissabte 31 de març, jorn de la manifestacion de Tolosa per la lenga occitana.
Cap comentari:
Publica un comentari a l'entrada