FN = ‘Pur Gaulois’, se sentísson tocat ?

Vaquí un comunicat que farà parlar. Lo FN e sos militants avián fòrça sovent explicat lo dangièr de l’integrisme islamica, es causa vertadièra.

Los integrisme d’extrèma-dreita son estats installats en plaça tolzana, per tacita autorizacion republicana ; mantunas manifestacion, benlèu lo melhor mejan per los promòure, an poscut explicar lo problèma del desvolopament e instrumentalizacion d’extrèma-dreita de l’actualitat ; lo problèma es qu’en fR-nça l’instumentalizacion se fabrica a la dreita o a l’esquèrra del rei ! L’instrumentalizacion fabrica jamai una societat de tranquillitat pel pòble d’Occitània, jamai perqué las referéncias son encara parisencas.

Alara, dins l’afar de Tolosa, las evidéncias politicas de las victimas fan plaçar las evidéncias politicas de las criticas contra l’integrisme islamic, mas l’integrisme islamic viu dins un sistèma francés, coma ai poscut l’explicar un bilhet passat jà.

Pareis que cal, segon minute, non pas instrumentalizar l’afar ; Minute es dins lo camp FN :

Vesèm que lo FN instrumentaliza una analisi considerada coma faussa dels partisans nacionalistas franceses o considerats coma «pas bon francés» per s’excusar alprèp del FN.

Mas realament, lo problèma es plan lo sistèma d’administracion centralista d’Occitània, UMP-NC actualament, mas serà pas melhor ambe lo FN, o lo PSf… Perqué ? Elonhat del terrenh, aurà calgut una caserna de polícia davalada de parís aprèp l’atemptat del Licèu de Bèlmont, e los elegits de la decentralizacion sense cap mejan d’accions rapidas e eficaça (un revòlver per un policièr municipal es pauc de causa per la tranquillitat que cal en Occitània), fan que per decidar realament eficaçament un ministre dèu damorar a Tolosa, e un avion dèu èstre botat a la disposicion de l’albergat de L’Élysée e son staff ; se cal alra pausar la question de l’interès de l’administracion prefectorala, senon per susvelhar mal la populacion sotmetuda d’Occitània, e bailar la tranquillitat al monarc republican que davala de temps en temps en tèrra sotmesa.

Coma l’ai poscut escriure jà, l’important es d’aver una polícia autonòma en Occitània e un poder vertadièr en region occitana, es un projecte pron plan elonhat de las realitats FN, un projecte recentralizador. Encara un còp, lo modèl l’avèm a la pòrta, en debutar per la Val d’Aran e lo Principat de Catalonha, l’autonomia d’Euskadi o de Galícia… Mas aiçò l’avuglament nacionalista francés es sancièr, dins totes los camps partesans del jacobinisme francés.

Occitània es en dòl, mas dèu pensar l’avenidor, las solucion francesa per Occitània son pas las bonas per la tranquillitat de la populacion.

Lo 18 d’abrial de 1815 i aguèt una batalha a Tolosa, batalha perduda ; èra en nom dels Napoleon en plaça al poder parisenc, e que lo Bonapartse aquel èra pus emperador dempuèi un jorn, aviá abdicar ! A Tolosa cal fabricar batalha aprèp las batalhas ; es temps de reprendre lo poder per poder èstre al punt de l’actualitat.